जनता सहकारी बँकेच्या चेअरमनपदी अमोल मोहिते, व्हाईस चेअरमनपदी विजय बडेकर बिनविरोध
- अमित वाघमारे
- Fri 7th Jul 2023 10:06 pm
- बातमी शेयर करा
सातारा : जनता सहकारी बँक लि., साताराच्या चेअरमन, व्हाईस चेअरमन पदाच्या निवडीकरीता शुक्रवारी अध्यासी अधिकारी अनुराधा पंडीतराव यांच्या अध्यक्षतेखाली बँकेच्या मुख्य कार्यालयात सभा आयोजित करण्यात आली होती. सभेमध्ये चेअरमनपदासाठी अमोल उदयसिंह मोहिते, व्हाईस चेअरमनपदासाठी विजय दिनकर बडेकर यांचेच उमेदवारी अर्ज दाखल झाल्याने अमोल मोहिते यांची बँकेच्या चेअरमन पदी तर विजय बडेकर यांची बँकेच्या व्हाईस चेअरमनपदी बिनविरोध निवड झाल्याचे अध्यासी अधिकारी अनुराधा पंडीतराव यांनी जाहीर केले. प्रारंभीअध्यासी अधिकारी पंडीतराव यांचे स्वागत भागधारक पॅनेल प्रमुख, जेष्ठ संचालक विनोद कुलकर्णी यांनी तसेच सहाय्यक निवडणूक निर्णय अधिकारी मोहिते यांचे स्वागत जेष्ठ संचालक जयेंद्र चव्हाण यांनी केले.
याप्रसंगी विनोद कुलकर्णी यांनी नूतन चेअरमन अमोल मोहिते यांचा तर जेष्ठ संचालक जयवंत भोसले यांनी नूतन व्हाईस चेअरमन विजय बडेकर यांचा पुष्पगुच्छ देवून सत्कार केला. यावेळी विनोद कुलकर्णी यांनी भागधारक पॅनेल हे सलग दुस-यांदा २१/० फरकाने विजयी झाल्याबद्दल सर्व नवनिर्वाचित सदस्यांचा पुष्पगुच्छ व पेढे देवून यथोचित सत्कार केला. नवनिर्वाचित संचालक मंडळ पूर्वीप्रमाणेच बँकेचा सर्व कारभार पारदर्शकपणे करेल याची ग्वाही दिली. २०११ पासून संचालक मंडळाने कोणताही भत्ता घेतलेला नसून पुढील ५ वर्षातही संचालक मंडळ कोणत्याही स्वरूपात भत्ता स्वीकरणार नाही, असे जाहीर केले. तसेच बँक रिझर्व्ह बँक ऑफ इंडियाच्या निर्देशांप्रमाणे एफ.एस.डब्ल्यू. एम. चे सर्व निकष पूर्तता करून पुढील वर्षी सभासदांना निश्चित लाभांश देईल असा विश्वास व्यक्त केला.
नूतन चेअरमन अमोल मोहिते यांनी सर्व संचालकांच्या सहकार्याने बँकेचा कारभार गतिमान होईल. ठेव, कर्ज व्यवसायात भरघोस वाढ, बँकेचा जिल्हयाबाहेर शाखा विस्तार करून बँकेची चौफेर प्रगती करू, असा विश्वास व्यक्त करून बँकेची सध्याची आर्थिक आकडेवारी पाहता पुढील वर्षी सभासदांना कोणत्याही परिस्थितीत लाभांश देऊ असा विश्वास व्यक्त केला आणि सर्वांचे आभार मानले. व्हाईस चेअरमन विजय बडेकर यांनी याप्रसंगी त्यांची संचालक मंडळावर बिनविरोध निवड केल्याबद्दल सर्व सभासदांचे, सर्व संचालकांचे आभार मानले. बँकेच्या ३१ मार्चअखेर १२२ कोटी ७६ लाख एवढया ठेवी होत्या, त्यामध्ये मागील ३ महिन्यात २ कोटी २५ लाखांनी वाढ होवून आजमितीस एकूण ठेवी १२४ कोटी ५० लाख एवढ्या झालेल्या आहेत. याप्रसंगी सहाय्यक निवडणूक अधिकारी दत्तात्रय मोहिते यांची सहाय्यक निबंधक, सहकारी संस्था (दुग्ध) सातारा जिल्हा (अतिरिक्त पदभार) पदी नियुक्ती झाली, त्यानिमित्ताने बँकेचे जेष्ठ संचालक आनंदराव कणसे यांच्या हस्ते सत्कार करण्यात आला.
याप्रसंगी बँकेचे नवनिर्वाचित संचालक अशोक मोने, माधव सारडा, चंद्रशेखर घोडके (सराफ), वसंतराव लेवे, अविनाश बाचल, रामचंद्र साठे, रविंद्र माने, वजीर नदाफ, नारायण लोहार, मच्छद्रिं जगदाळे, ॲड. चंद्रकांत बेबले, अक्षय गवळी, डॉ. चेतना माजगांवकर, सुजाता राजेमहाडीक, बाळासाहेब गोसावी, बँकेचे मुख्य कार्यकारी अधिकारी अनिल जठार, सर्व अधिकारी आणि सेवक वर्ग उपस्थित होता.
स्थानिक बातम्या
आकृतीबंधाचा शासन निर्णय दोन वर्षांपूर्वीच निर्गमित होऊनही अंमलबजावणी नाही
- Fri 7th Jul 2023 10:06 pm
गणेशभक्तांचा भावना लक्षात घेऊन रात्री बारानंतर देखील वाद्य वाजवण्यास परवानगी द्यावी
- Fri 7th Jul 2023 10:06 pm
स्थानिक गुन्हे शाखेने 2 देशी बनावटी पिस्टल, 3 जिवंत काडतुसासह 2 लाख 25 हजाराचा मुद्देमाल केला जप्त
- Fri 7th Jul 2023 10:06 pm
सातारा तालुका कबड्डी स्पर्धेचे उद्घाटन पाच वर्षाच्या निविताच्या हस्ते संपन्न...
- Fri 7th Jul 2023 10:06 pm
संबंधित बातम्या
-
आंधळी मध्ये उद्या सिद्धेश्वर व हनुमान मंदिर कलशारोहण सोहळा....
- Fri 7th Jul 2023 10:06 pm
-
गणेशभक्तांचा भावना लक्षात घेऊन रात्री बारानंतर देखील वाद्य वाजवण्यास परवानगी द्यावी
- Fri 7th Jul 2023 10:06 pm
-
महात्मा गांधीतील ‘सीसीटीव्ही’ कॅमेराच्या माना झुकल्या!
- Fri 7th Jul 2023 10:06 pm
-
मेढा नियोजित घनकचरा प्रकल्पास सोनगाव ग्रामस्थांचा विरोध
- Fri 7th Jul 2023 10:06 pm
-
महाराणी येसूबाई यांच्या स्फूर्ती स्थळासाठी उपोषणाचा इशारा
- Fri 7th Jul 2023 10:06 pm
-
मनोज घोरपडे यांच्या पाठपुराव्यामुळे उरमोडी धरणातील उपसा सिंचनासाठी पाणी आरक्षित..
- Fri 7th Jul 2023 10:06 pm
-
कराड पोलीसांकडून नियम मोडणाऱ्या लेझर लाईट वाहन आणि 4 डाॅल्बी जप्त.
- Fri 7th Jul 2023 10:06 pm