फलटण: मा. खासदार रणजितसिंह नाईक निंबाळकर यांच्या उपस्थितीत श्री गणेश दिनकर शिंदे कोळकी ग्रामपंचायतचे विद्यमान सदस्य यांनी राजे गटाचा त्याग करून भाजपामध्ये प्रवेश केला आहे. या अगोदर कोळकी ग्रामपंचायतचे विद्यमान सदस्य उदयसिंह निंबाळकर उर्फ बबलू भैया यांनी त्यांच्याच विचाराचे राजे गटाचे कार्यकर्ते राजन खिलारे आणि इतर कार्यकर्त्यांसह भाजपामध्ये प्रवेश केला होता त्यानंतर लगेचच आता कोळकी गावचे विद्यमान ग्रामपंचायत सदस्य गणेश दिनकर शिंदे यांनीही भाजपामध्ये प्रवेश केला आहे. गणेश शिंदे हे राजे गटाचे निष्ठावंत कार्यकर्ते होते पण आम्हाला आणि स्थानिक पातळीवरील लोकांना सत्ताधारी हे विश्वासात घेत नाहीत आणि त्यामुळे स्थानिक पातळीवरील जनतेची कामे करता येत नाहीत यामुळे आम्ही कंटाळून राजे गटाला सोडून भाजपामध्ये प्रवेश करत आहोत. 

       कारण यापुढे आमच्या कोळकी गावाच्या विकासासाठी आणि फलटण तालुक्याच्या विकासासाठी खासदार रणजितसिंह नाईक निंबाळकर हेच खंबीर नेतृत्व योग्य आहे असा आमचा विश्वास आहे त्यामुळे कोळकी गावा तील जनतेच्या समस्या अडीअडचणी सोडवण्यासाठी आम्ही खासदार रणजीत सिंह नाईक निंबाळकर व आमदार सचिन पाटील यांच्या मार्गदर्शनानुसार प्रयत्न करणार आहोत त्यामुळे आम्ही जाहीर भाजपमध्ये प्रवेश केला आहे असे सांगितले. कोळकी ग्रामपंचायत मध्ये विद्यमान सरपंच असं एकूण 17 सदस्य आहेत यापैकी हे दोन सदस्य माजी खासदार रणजितसिंह नाईक निंबाळकर यांच्या भाजपामध्ये आलेले आहेत. यावेळी भाजपाचे जिल्हा सरचिटणीस जयकुमार शिंदे, फलटण तालुका युवा मोर्चा उपाध्यक्ष भाजपा रणजीत जाधव, ग्रामपंचायत सदस्य उदयसिंह निंबाळकर उर्फ बबलू भैया , राजन खिलारे ,निरंजन निंबाळकर ,यशवंत जाधव ,गोरख जाधव ,डॉक्टर प्रमोद अब्दागिरे, अँड. सुरज क्षी रसागर, तसेच कोळकीतील बहुसंख्य ग्रामस्थ आणि भाजपाचे कार्यकर्ते उपस्थित होते.