पाचगणी,दि : बावधन (ता.वाई) येथील सामाजिक कार्यकर्ते व एलआयसी चे अधिकृत विमा प्रतिनिधी २०२२ चे MDRT संतोष राजेभोसले यांना एलआयसी मध्ये उत्कृष्ट कामगिरी केल्याबद्दल आझादी का अमृत महोत्सव वर्षानिमित्त एलआयसी डायमंड ट्रॉफी देऊन गौरविण्यात आले.यावेळी एलआयसी चे एसडीएम चंद्रशेखर राव मार्केटिंग मॅनेजर अजय सपाटे, डेपोडी मॅनेजर महेंद्र कुमार तडवलकर, सेल्स मॅनेजर दिवे आदी मान्यवर उपस्थित होते.यावेळी राजेभोसले म्हणाले  विकास अधिकारी सिद्धार्थ पाटील यांच्या मार्गदर्शनाखाली गेली १५ वर्ष अविरत,प्रामाणिक,सातत्य पुर्ण काम केले असून अनेकांना एलआयसीच्या नवनवीन योजना देऊन त्या घरोघरी पोहचविण्यासाठी प्रयत्न केला.राजेभोसले यांच्या सातत्यपुर्ण कामामुळे त्यांना डिव्हिजनल क्लब मेंबर शिप त्याचबरोबर आयुर्विमा शेत्रातील सर्वोच्च जागतिक पुरस्कार MDRT 2022 मिळवला आहे.तसेच बावधन गावातील सामाजिक काम,बावधन ग्रामपंचायत सरपंच.विविध सामाजिक कार्य, सरपंच परिषद वाई तालुका पदी उल्लेखनीय काम केले आहे.यावेळी अधिकाऱ्यांनी भोसले यांच्या कामाबद्दल समाधान व्यक्त करत गौरव म्हणून डायमंड ट्रॉफी देऊन सन्मान केला. डायमंड ट्राॅफी देऊन गौरविल्याबद्दल त्यांचे अनेकांनी अभिनंदन व सत्कार केला.