सातारा : धोम डाव्या कालव्यावर कवठे केंजळ उपसा उपसा सिंचन योजने लागत खानापूर ते शेंदुरजणे यांना जोडणाऱ्या पुलाचा काही भाग ढासळला आहे.यावेळी कालव्यातून सुरू असलेला १०० क्युसेक्स प्रतिसेकंद पाणी ओढ्यातून वाहून गेले. यानंतर  विसर्ग बंद करण्यात आला. कोरेगाव तालुक्यातील जिहे कठपूर उपसा सिंचन योजनेसाठी कृष्णा खोरे महामंडळाचे उपाध्यक्ष आमदार महेश शिंदे यांच्या  सूचनेप्रमाणे धोम धरणाच्या डाव्या कालव्यातून पाणी सोडण्यात आले होते..सदर पुल ढासळ्ल्यानंतर  कालव्यातील पाणी व  वाहतूक तात्काळ बंद करण्यात आली आहे. 

   धोम डाव्या कालव्यातून वाई, सातारा, कोरेगाव तालुक्यातील शेतीसाठी पाणी सोडण्यात येते.पावसाळा  सुरू असल्याने या हंगामात कोरेगाव तालुक्यातील जिहे कठपूर व
वसना वागंना उपसा सिंचन  योजनेच्या उपसासिंचन योजनेसाठी पाणी सोडण्याचे आदेश होते.
यावेळी धोम धरणात पाणीसाठा वाढल्याने जिहे कठापूर योजनेसाठी पाणी सोडण्याचे आदेश वरिष्ठ स्तरावरून देण्यात आले होते.  वाई, सातारा तालुक्यात असणारा मुसळधार पाऊस यामुळे कालव्यातून पाणी वाहून नेणे धोक्याचे असल्याचे स्थानिक अधिकाऱ्यांनी वरिष्ठांना कळविले होते. मात्र तरीही १०० क्यूसेक्स पाणी कालव्यातून सोडण्याचे आदेश देण्यात आले. मागील पन्नास वर्षात कालव्यांच्या दुरुस्तीसाठी निधी उपलब्ध न झाल्याने कालव्यांच्या अवस्था बिकट झाली आहे.आज रविवारी सकाळी सा. क्र. १२/९३० येथील खानापूर ते शेंदुरजनणे यांना जोडणाऱ्या पुलाचा काही भाग ढासळला.

या पुलावरून शेंदुरजनणे, खानापूर, निकाम वस्ती (ता वाई) व आजूबाजूच्या गावातील शेतकऱ्यां कडून वाहतूक सुरू असते. ती वाहतूक आता थांबविण्यात आली आहे.पुलाच्या दुरुस्तीचे काम तातडीने हाती घेण्यात येत आहे, अशी माहिती जलसंपदा विभागातून देण्यात आली.