सातारा : सातारा कृषी उत्पन्न बाजार समितीच्या पदाधिकारी निवडी आज जाहीर झाल्या. बाजार समितीवर पुन्हा एकदा एकहाती सत्ता मिळवल्यानंतर आमदार शिवेंद्रराजे भोसले यांनी सभापती पदाची माळ पुन्हा एकदा त्यांचे विश्वासू ऍडव्होकेट विक्रम पवार (पापा) यांच्या गळ्यात घातली तर उपसभापती पदी मधुकर पवार यांची निवड करण्यात आली. बाजार समितीच्या निवडणुकीत आमदार शिवेंद्रराजे भोसले यांच्या पॅनलने शेतकरी संघटनेचा धुव्वा उडविला होता. त्यामुळे सभापती पदी कोणाची वर्णी लागणार याची उत्सुकता वाढली होती. पदाधिकारी निवडीचा निर्णय हा सर्वस्वी शिवेंद्रराजे घेणार असल्याने जुन्या चेहऱ्यांना संधी देणार कि बाजार समितीत नवीन चेहरे दिसणार याबाबत चर्चा चालू होत्या मात्र शिवेंद्रराजेंनी विक्रम पवार यांच्यावर विश्वास दाखवत पुन्हा एकदा सभापती पदी काम करण्याची संधी दिली आहे.