कुडाळ  : छत्रपती श्री शिवाजी महाराजांच्या शौर्याने प्रसिध्द असलेल्या जावली तालुक्याची राजधानी ऐतिहासिक मेढा नगरीत शनिवार दि. १८ नोव्हेंबर २०२३ रोजी मराठा समाजाच्या आरक्षणासाठी आपल्या प्राणाची बाजी लावणारे मराठा योध्दा मनोज जरांगे पाटील यांची जाहीर सभा आयोजित करण्यात आली असल्याची माहिती जावली तालुका सकल मराठा समाजाच्या वतीने देण्यात आली आहे.

मराठा समाजाला आरक्षण मिळावे यासाठी घरादारावर तुळशीपत्र ठेवून स्वतःच्या जीवाची बाजी लावणारे, व अन्न-पाण्याचा त्याग करणारे, मराठा समाजाचा ढाण्यावाघ मनोज जरांगे-पाटील यांची जाहीर सभा होणार असून या सभेला मराठा बांधवांनी शेतातील कामे लवकर उरकुन आपला एक दिवस मराठा समाजासाठी द्यावा व लाखोंच्या संख्येने उपस्थित रहावे असे आवाहन सकल मराठा समाज जावळी तालुका यांच्या वतीने करण्यात आले आहे.