गाडी स्टार्ट केली आणि ई बाईकच्या बॅटरीचा झाला स्फोट
Satara News Team
- Mon 18th Mar 2024 03:17 pm
- बातमी शेयर करा
![](https://esataranews.com/upload/post/85fcd40f53.jpeg)
कराड : बॅटरी चार्ज केल्यानंतर युवकाने ई-बाईक सुरू केली. मात्र, बाईक सुरू करताच बॅटरीचा स्फोट झाला. ही घटना कराड तालुक्यातील साजूर येथे रविवारी दुपारी घडली. या दुर्घटनेतून युवक सुखरूप बचावला. मात्र, स्फोटानंतर लागलेल्या आगीत दुचाकीची सीट आणि इतर साहित्य जळून खाक झाले.
घटनास्थळावरुन मिळालेल्या माहितीनुसार, साजूर येथील गणेश बजरंग चव्हाण या युवकाची इलेक्ट्रिक दुचाकी आहे. रविवारी दुचाकीचे चार्जिंग संपले होते. त्यामुळे गणेश याने घरातच दुचाकी चार्जिंगला लावली. दुपारच्या सुमारास चार्जिंग पूर्ण झाल्यानंतर गणेशने दुचाकी बाहेर काढली. त्यानंतर गावात जाण्यासाठी तो दुचाकीवर बसला. त्याने दुचाकीच्या स्टार्टरचे बटन दाबताच बॅटरीच्या डिकीतून धूर येऊ लागला. त्यामुळे गणेश दुचाकीवरुन उतरून बाजूला गेला. त्याचवेळी मोठा आवाज होऊन बॅटरीचा स्फोट झाला.
या आवाजाने परिसरातील ग्रामस्थ त्याठिकाणी धावले. त्यांनी मिळेल त्या भांड्याने पाणी आणून दुचाकीला लागलेली आग नियंत्रणात आणण्याचा प्रयत्न केला. मात्र, दुचाकीच्या सीटखालून सुरू झालेली आग काही क्षणातच पसरली. या आगीत दुचाकीच्या सीटसह इतर साहित्य जळून खाक झाले. या घटनेनंतर परिसरातील ग्रामस्थांनी त्याठिकाणी गर्दी केली होती.
दरम्यान, दुचाकी सुरू केल्यानंतर गणेश काही कामानिमित्त गावात जाणार होता. मात्र, दुचाकी सुरू करताच ही दुर्घटना घडली. तो दुचाकी सुरू करुन पुढे निघून गेला असता आणि त्यानंतर बॅटरीचा स्फोट झाला असता तर अनर्थ घडला असता. नशीब बलवत्तर म्हणूनच गणेश या दुर्घटनेतून सुखरूप बचावला.
स्थानिक बातम्या
निढळची शाळा देशात रोल मॉडेल ठरेल! खा. शरद पवार
- Mon 18th Mar 2024 03:17 pm
कास पठारावरील फुलांचा हंगाम आजपासून सुरू ....उपवनसंरक्षक अदिती भारद्वाज यांच्या हस्ते उद्घाटन
- Mon 18th Mar 2024 03:17 pm
व्यापाऱ्यांनी निवेदन दिल्यानंतर राजपथ मार्गावर वाद्ये वाजवण्यावर बंदी, गणेश मंडळे आक्रमक
- Mon 18th Mar 2024 03:17 pm
विजयकुमार किसन भुजबळ यांना राज्यस्तरीय गुणवंत शिक्षक गुरु गौरव शिक्षक रत्न पुरस्कार जाहीर
- Mon 18th Mar 2024 03:17 pm
कर्ज प्रकरणी खोटे आश्वासन देऊन शुभम हाउसिंग फायनान्स कंपनीकडून कर्जदारांची मोठ्या प्रमाणात लूट...
- Mon 18th Mar 2024 03:17 pm
पोलिसावर पत्नीची तक्रार.अदखलपात्र गुन्हा दाखल
- Mon 18th Mar 2024 03:17 pm
संबंधित बातम्या
-
घरासमोर चिमुकलीवर कुत्र्याचा हल्ला, आईसमोरच चिमुकलीला जबड्यात पकडून कुत्र्याने नेले पन्नास फूट शेतात
- Mon 18th Mar 2024 03:17 pm
-
आ.जयकुमार गोरे यांच्या ताफ्यातील भरधाव स्कार्पिओने दुचाकीला उडवले..! दोन जण जागीच ठार.
- Mon 18th Mar 2024 03:17 pm
-
एसटीच्या चाकाखाली बाईक अडकून उडाल्या ठिणग्या; बससह दुचाकीस्वार जळून खाक
- Mon 18th Mar 2024 03:17 pm
-
अखेर 2 वर्षांच्या चिमुकलीसह कृष्णा नदीत उडी घेतलेला महिलेचा मृतदेह 7 दिवसांनी सापडला
- Mon 18th Mar 2024 03:17 pm
-
सज्जनगड घाटाच्या दरीमध्ये युवती कोसळली बचाव कार्य वेगाने राबवून युवतीचे वाचवले प्राण
- Mon 18th Mar 2024 03:17 pm
-
देऊर येथे विजेचा शॉक लागून शेतकऱ्यासह गाईचा मृत्यू....
- Mon 18th Mar 2024 03:17 pm
-
इन्स्टाग्राम वरून केलेली मैत्रिणीची मस्करी आणि पुढे अस घडलं.
- Mon 18th Mar 2024 03:17 pm
-
डाळमोडी येथील महिलेचा पाण्यात बुडून मृत्यू
- Mon 18th Mar 2024 03:17 pm