गोंदवले बुद्रुक :  येथील घटना तू आमच्या शेतातून ट्रॅक्टर घेऊन जायचं नाही असे म्हणल्याच्या कारणावरून गोंदवले बुद्रुक ता. माण गावच्या हद्दीतील मळवी नावाच्या शिवारामध्ये हाताने लाथा बुक्क्यांनी व लाकडी दांडक्याने मारहाण व खून करण्यात आला असून याबद्दलची तक्रार शिवराज अनिल कदम यांनी दहिवडी पोलीस ठाण्यामध्ये दिली आहे

. याबाबत सविस्तर माहिती अशी की, दि. 31 रोजी दुपारी ४.३० वाजण्याच्या सुमारास गोंदवले बुद्रुक तालुका माण जिल्हा सातारा गावच्या हद्दीत मळवी नावाच्या शिवारातील तक्रार यांच्या शेतात त्यांचे वडील अनिल रघुनाथ कदम वय 55 वर्ष, यांनी दत्तात्रेय अरुण यादव यांना तू आमच्या शेतातून ट्रॅक्टर घेऊन जायचे नाही असे म्हणल्या कारणावरून दत्तात्रय अरुण यादव यांनी तक्रारदार यांचे वडील अनिल यांना शिवीगाळ करून तसेच त्यांची मुले जयंत दत्तात्रेय यादव व हर्षद दत्तात्रेय यादव यांनी फिर्यादीच्या वडिलांना लाथ, बुक्क्यांनी मारहाण करून दत्तात्रेय यादव यांनी काठीने फिर्यादीच्या मारहाण करून त्यांना जखमी करून त्यांचा खून केला सदर वेळी फिर्यादीचे चुलते सोडवा करीत असताना हर्षद यादव व जयंत यादव यांनी फिर्यादीला लाथा बुक्क्यांनी मारहाण केली. यामध्ये अनिल रघुनाथ कदम वय 55 वर्ष यांचा जखमी होऊन खून झाला असून दत्तात्रय अरुण यादव जयंत दत्तात्रय यादव, हर्षद दत्तात्रय यादव सर्व राहणार गोंदवले बुद्रुक यांना अटक करण्यात आले आहे.

 त्यांच्यावरती भारतीय न्याय संहिता १०३,११५(२),३५२,३,(५)प्रमाणे गुन्हा दाखल करण्यात आला आहे. याबाबत अधिक तपास डीवायएसपी अश्विनी शेंडगे मॅडम यांच्या मार्गदर्शनाखाली सपोनि. अक्षय सोनवणे, महिला पोलीस उपनिरीक्षक चांदणी मोटे करीत आहेत.