फलटण :  फलटण शहरामध्ये बऱ्याचशा समस्या मागील दोन-तीन वर्षापासून उभ्या राहिल्या आहेत. फलटण नगरपालिकेत सध्या प्रशासकीय अधिकारी निखिल मोरे हे कार्यरत आहेत. यामध्ये प्रामुख्याने फलटण तालुक्यातील आजूबाजूच्या परिसरातून येणाऱ्या लोकांना सार्वजनिक शौचालय उतारी तसेच शहरातील प्रमुख चौक येथे होणारी वाहतूक कोंडी मुख्यत नाना पाटील चौकात पंढरपूर सांगोला विटा या भागातून येणारी जाणारी वाहतूक ते नगर बारामतीकडे पुणे मुंबईकडे जाणाऱ्या वाहतुकीची नेहमीच कोंडी होते तसेच सध्या कारखाने चालू असल्यामुळे ऊस वाहतुकीचे ट्रेलर ही चालू असतात आणि दुचाकी वर जाणारे महिला आणि पुरुषांना मोकाट कुत्र्यांचा इतर जनावरांचा त्रास सहन करून प्रसंगी रस्त्यावर अपघात पण होत आहेत.

  तसेच मोकळ्या जागी साठलेला कचरा रस्त्यावर असणारे खड्डे. या अशा समस्यांना फलटण शहरातील नागरिकांना वारंवार तोंड द्यावे लागत आहे. याच्या अनुषंगाने फलटण मतदार संघाचे नवनिर्वाचित आमदार श्री सचिन पाटील यांच्यासह माजी खासदार रणजितसिंह नाईक निंबाळकर यांनी आज बुधवार दिनांक 11 डिसेंबर रोजी चार वाजता नगरपालिका येथे सर्व प्रशासकीय अधिकाऱ्यांच्या समवेत शहरातील समस्या बाबत आढावा बैठकीचे आयोजन केले आहे.