ज्येष्ठ नेते कॉम्रेड गोविंद पानसरे खून खटल्याची पुढील सुनावणी ५ ऑगस्ट रोजी होणार....सर्व आरोपींना न्यायालयात हजर राहण्याचे आदेश..... डाव्या चळवळीतील ज्येष्ठ नेते स्वर्गीय गोविंदराव पानसरे यांच्या खून प्रकरणी आज जिल्हा न्यायालयात सुनावणी झाली. मात्र न्यायालयाच्या आदेशानुसार बेंगलोर कारागृहातील ६ संशयित आरोपी हजर राहिले नाहीत. त्यामुळ दोष निश्चितीसाठी या खटल्याची सुनावणी ५ ऑगस्ट रोजी होणार असल्याच जिल्हा न्यायाधीश एस.एस.तांबे यांनी स्पष्ट केल.

ज्येष्ठ नेते काँम्रेड गोविंद पानसरे खून खटल्याप्रकरणी कोल्हापूर जिल्हा आणि सत्र न्यायालयामध्ये आज सुनावणी झाली. मागील सुनावणीवेळी न्यायालयान अटक असलेल्या सर्व ९ आरोपींना हजर करण्याचे आदेश केले होते. त्यानुसार येरवडा कारागृहातून वीरेंद्रसिंह तावडे, शरद कळसकर, सचिन अंदुरे या ३ संशयित आरोपींना आज न्यायालयासमोर हजर करण्यात आल. मात्र बेंगलोर इथल्या कारागृहातील अमोल काळे वासुदेव सूर्यवंशी भारत कुरणे अमित डेगवेकर अमित बदवी गणेश मिस्किन या ६ आरोपींना न्यायालयाच्या आदेशाची प्रत वेळेत न मिळाल्यानं त्यांना आज कोल्हापुरातील न्यायालयात हजर करता आलं नाही. न्यायालयासमोर सर्व संशयितांना एकत्रितरित्या सादर केले तर दोष निश्चिती करण सोप जाईल म्हणून सर्वांना एकत्र हजर ठेवण्याच्या सूचना द्याव्यात अशी मागणी समीर पटवर्धन यांनी केली.त्यामुळ दोष निश्चितीसाठी सर्व आरोपीना न्यायालयात हजर करण्याचे आदेश न्यायाधीशांनी केले आहेत. त्यानुसार ५ ऑगस्टला पुढील सुनावणी घेण्यात येणार आहे.