सातारा :  नुकत्याच झालेल्या नीट परीक्षेत विद्यावर्धिनी चॅरिटेबल ट्रस्ट संचलित छ. शाहू अकॅडमी अँड सायन्स जुनियर कॉलेजची विद्यार्थिनी पलक शहा हिने ७२० पैकी ७०५ गुण मिळवून भारतात ९४ वा क्रमांक पटकावला. तसेच तिने इ. डब्लू. एस. मध्ये ४ था क्रमांक मिळवला.
 
नीट परीक्षेत कॉलेजच्या विद्यार्थ्यांनी भरीव यश मिळवले असून या यशाचा फायदा विध्यार्थ्यांना पुढील स्पर्धात्मक परीक्षांसाठी होईल, असे प्रतिपादन संस्थेच्या अध्यक्षा श्रीमंत छ. सौ. वेदांतिकाराजे भोसले यांनी केले. पलक शहा हिच्यासह सर्व यशस्वी विद्यार्थ्यांचे सौ. वेदांतिकाराजे भोसले, प्राचार्या सौ. डिंपल जाधव आणि सर्व शिक्षकांनी अभिनंदन करून पुढील वाटचालीसाठी शुभेच्छा दिल्या.