सातारा : श्री ज्ञानेश्वर खिलारी यांच्या बदलीनंतर व आपण या खुर्चीवर विराजमान होण्यापूर्वी माननीय श्री महादेव घुले यांच्याकडे सातारा जिल्हा परिषदेचा मुख्याधिकारी म्हणून अतिरिक्त पदभार होता. यांच्या कार्यकाळात त्यांनी जे सरकारी अध्यादेश काढले तसेच यांच्या कार्यकाळात जिल्हा परिषद मधील सर्व विभागातील विकास कामाच्या अधिनियमानुसार प्रशासकीय मान्यता देण्यात आल्या तसेच शासकीय कर्मचाऱ्यांच्या महाराष्ट्र शासनाच्या ऑनलाईन बदल्या झाल्या असताना मर्जीतील शासकीय कर्मचाऱ्यांशी आर्थिक देवाण घेवाण करून परतीनियुक्त्या करण्यात आल्या याचीही सखोल चौकशी करण्यात यावी अशी मागणी शिवसेना सातारा शहर उपाध्यक्ष गणेश अहिवळे यांनी केली 

२०२३-२०२४ अंतर्गत बांधकाम विभागातील कामवाटप केलेल्या कामांची व कामवाटप समितीची देखील सखोल चौकशी होण्यात यावी. जिल्हा परिषद मध्ये असा पायंडा पडला आहे की काही ठेकेदारांना हाताशी धरून आपण स्वतः म्हणजे त्या विभागातील सक्षम अधिकारी भागीदारी करून आपल्या मर्जीतल्या ठेकेदारांना काम दिले जात आहे. त्याचबरोबर आरोग्य विभागात देखील अशाच प्रकारे रोजरासपणे उघड भ्रष्टाचार सुरू आहे. शिक्षण विभागातील ऑनलाइन शासनाकडून झालेला शिक्षक बदल्यांचे परस्पर फेरबदल करून तत्कालीन मुख्याधिकाऱ्यांनी बदल्या केल्या या संपूर्ण प्रक्रियेची आपण स्वतः जातीने लक्ष घालून चौकशी करावी अन्यथा शिवसेना स्टाईलने आंदोलन केले जाईलआसा इशारा श्री गणेश अहिवळे शिवसेना सातारा शहर उपाध्यक्ष यांनी दिला आहें