शिकलगार समाज कष्टातून प्रगती करत असून भट्टीवर काम करणारे बांधव आमचा अभिमान आहे. या बांधवांचा सत्कार समारंभाचे आयोजन करून युवक संघटनेने एक चांगला आदर्शमय व गौरवशाली उपक्रम राबविला आहे. युवक संघटनेने येत्या काळात याच प्रकारचे विविध सामाजिक उपक्रम प्रभावीपणे  राबवावेत देशभरातील शिकलगार संघटना त्यांच्या मागे शक्ती उभा करेल असे प्रतिपादन अखिल भारतीय शिकलगार समाज संघटनेचे अध्यक्ष नौशाद शिकलगार यांनी केले.
 सांगली जिल्हा युवक संघटनेचे तिसरे अधिवेशन खानापूर जिल्हा सांगली येते मोठ्या उत्साहात पार पडले यावेळी नौशाद शिकलगार बोलत होते या कार्यक्रमाच्या अध्यक्षस्थानी शमा शिकलगार या होत्या या कार्यक्रमास सलीम शिकलगार, अब्दुल गणी शिकलगार, नसरुद्दीन शिकलगार, युवक संघटनेचे जिल्हाध्यक्ष याकुब शिकलगार,उपस्थित होते. पुढे बोलताना  नौशाद शिकलगार म्हणाले राज्यात शिकलगार समाज हा मोठ्या प्रमाणात असून या समाज संघटनेची ताकद मोठी आहे. या ताकतीच्या जोरावर समाजाला विधिमंडळात प्रतिनिधित्व मिळेल  मात्र त्यासाठी एक जुटीने पाठपुरावा करण्याची गरज आहे. उपेक्षित लोकांना प्रवाहात आणण्यासाठी काम करावे लागेल, असे आवाहन अखिल भारतीय समाज संघटनेचे अध्यक्ष नौशाद शिकलगार यांनी केले. यावेळी नसरुद्दीन शिकलगार, अब्दुल गणी शिकलगार, चंदू शिकलगार सर,युवक संघटनेचे जिल्हाध्यक्ष याकूब शिकलगार, हाजराभी शिकलगार आदिनी आपले मनोगत व्यक्त केले.या कार्यक्रमात भट्टीवर लोहारकाम करणाऱ्या समाज बांधवांचा मान्यवरांच्या हस्ते सत्कार करण्यात आला. या कार्यक्रमात सांगली जिल्ह्यातील युवक महिला व कार्यकर्ते मोठ्या संख्येने उपस्थित होते.

इतर जिल्ह्यातील युवक कार्यकर्त्यांनी सांगली जिल्ह्यातील युवक कार्यकर्त्यांचा आदर्श घेऊन या पुढील काळात अशा प्रकारचे युवकांनी प्रत्येक जिल्ह्यामध्ये  मेळावे घेऊन समाजामध्ये जनजागृती करण्याचे काम करावे.
 अखिल भारतीय शिकलगार  संघटनेचे अध्यक्ष नौशाद शिकलगार