वाई  / डॉक्टर दिनाचे औचित्य साधून वाई येथे नॅशनल इंटीग्रेटेड मेडीकल असोसिएशन (निमा संघटनेच्यावतीने वाईतील ग्रामीण रुग्णालयात मान्यवरांच्या हस्ते रुग्णांना फळे वाटप करण्यात आले.   भीमनगर येथे मोफत आरोग्य तपासणी शिबीर व मोफत औषधे वाटप करण्यात आली.
प्रारंभी निमाचे अध्यक्ष डॉ. शेखर कांबळे यांनी प्रास्ताविक केले व निमा शाखेच्या सामाजिक उपक्रमांची माहिती दिली. वाई ग्रामीण रुग्णालयाच्या सुप्रिटेंड डॉ योजना तराळ व ग्रामीण रूग्णालयाचे कर्मचारी उपस्थित होते. भीमनगर परिसरातील 45 नागरीकांनी निमा संघटनेच्या या मोफत आरोग्य तपासणी शिबीराचे व मोफत औषधांचा लाभ घेतला. याप्रसंगी रुग्णांची मोफत हिमोग्लोबीन व शुगर तपासण्यात आली. यावेळी निमा संघटनेचे अध्यक्ष डॉ. शेखर कांबळे, उपाध्यक्ष डॉ. सूर्यकांत महांगडे, सचिव डॉ. योगेश फरांदे, कोषाध्यक्ष डॉ. संदेश शिंदे सदस्य डॉ. जाजू, डॉ. भिलारे, डॉ. शीतल लोखंडे, डॉ गजानन गव्हाणे, डॉ. राहुल पोतदार आदींनी रूग्णांची तपासणी केली. चव्हाण लॅबचे श्री. चव्हाण विविध तपासणी चाचण्या केल्या.  
निमा संघटनेचे उपाध्यक्ष डॉ सूर्यकांत महांगडे यानी डॉक्टर डे निमित्त उपस्थित सर्व डॉक्टरांना पुष्गुच्छ देऊन शुभेछा दिल्या. डॉ संदेश शिंदे यांनी आभार मानले. उपस्थित रूग्णांनी निमा संघटनेच्या सदस्यांना धन्यवाद दिले.