दहिवडी :   दहिवडी-गोंदवले रस्त्यावर असणाऱ्या खड्यांमुळे अधिकारी वर्गाने आता हा रस्ता खड्यांच्या सातबाऱ्यावर लिहीला असल्याची चर्चा नागरिकात आहे. खड्यांची संख्या सिद्धनाथ मंदिर ते शेतकरी मेडिकल परिसरात परिस्थिती भयभीत करणारी असल्याने नागरिकांच्यात बांधकाम विभागाबाबत तीव्र नाराजी आहे. 

पुढील आठवड्यात शाळा,महाविद्यालये चालू होत असून रहदारी देखील खूप वाढण्याची शक्यता आहे.त्यामुळे  बांधकाम खात्याच्या भूमिकेकडे आता सर्वांच्या नजरा लागल्या आहे. दहिवडी कडून येताना सिद्धनाथ मंदिराच्या अलीकडील स्पीडब्रेकर देखील लांबून लोकांच्या नजरेस येत नाही.शेवटच्या क्षणी नजरेस स्पीडब्रेकर आल्याने तो चुकवणे,जोरात ब्रेक दाबने यामुळे होणाऱ्या छोट्या अपघातांची संख्या देखील वाढत आहे . 

स्पीडब्रेकरच्या आधी पांढरे पट्टे आणि स्पीडब्रेकर नंतर देखील पांढरे पट्टे असणे आवश्यक असून बांधकाम खाते नक्की कोणत्या कामात व्यस्त आहे हेच सर्वसामान्य लोकांना प्रश्न आहे .सर्वांना दिसणाऱ्या त्रुटी,समस्या अधिकारी वर्गाला दिसत नसल्याने येणाऱ्या काळात बांधकाम विभाग आणि स्थानिक नागरिक यांच्यात संघर्षाची दाट शक्यता आहे .