रहिमतपूर : आंतरराष्ट्रीय योग दिनाचे औचित्य साधून रहिमतपूर येथील श्री. चौंडेश्वरी एज्युकेशन सोसायटीच्या सौ. सुमन परशराम फडतरे प्राथमिक , माध्यमिक व गुरुकुल अकॅडमी या शाखांच्या वतीने योग्य प्रात्यक्षिके सादर करण्यात आली. 
     योग प्रत्यक्षिके व मार्गदर्शन करण्यासाठी योग प्रशिक्षक श्री. दत्तात्रय चव्हाण सर , श्री. नवनाथ चव्हाण सर  व श्री. पांडुरंग कोळी सर उपस्थित होते. 
मुख्याध्यापक श्री. दादासाहेब जगताप यांनी यावेळी विद्यार्थ्यांना मार्गदर्शन केले. शारीरिक , मानसिक व भावनिक संतुलनासाठी योग उपयुक्त ठरतो .योगामुळे रोगप्रतिकारक क्षमता वाढून आजारांपासून व्यक्तींचे संरक्षण होते. तसेच आरोग्यदायी जीवनशैलीसाठी साठी योग अत्यंत उपयुक्त असून फक्त एक दिवस योग दिन साजरा न करता दररोज  सर्व विद्यार्थी , शिक्षक व पालकांनी सुद्धा योगासने केली पाहिजेत असे त्यांनी सांगितले.
                 योग प्रशिक्षकांचे मुख्याध्यापकांच्या हस्ते गुलाब पुष्प व श्रीफळ देऊन स्वागत करण्यात आले.
      योग प्रत्यक्षिकांमध्ये श्री. चौंडेश्वरी एज्युकेशन सोसायटीच्या तिन्ही शाखांमधील सर्व विद्यार्थी ,मुख्याध्यापक , शिक्षक - शिक्षकेत्तर सेवक सहभागी झाले होते.
योग दिनानिमित्त सौ.कल्पना जाधव यांनी सूत्रसंचालन केले . तर आभार श्री. बाजीराव कारंडे यांनी मानले.