पुसेगाव : जगातील सर्वात जुनी व अत्यंत अवघड समजली जाणारी मॅरेथॉन म्हणजे दक्षिण आफ्रिकेतील कॉम्रेड मॅरेथॉन धावपटूच्या शारीरिक आणि मानसिक क्षमतेची पाहणारी ही मॅरेथॉन खातगुण  येथील संजय काळुंखे यांनी पूर्ण करत खात गुण तसेच खटाव तालुका व सातारा जिल्ह्याच्या शिरपेचात मानाचा तुरा रोवला आहे.
 खातगुण तालुका खटाव येथील रहिवासी असलेले येथील वेदावती हायस्कूल मधील शिक्षण घेऊन व्यवसायासाठी कल्याण येथे सध्या रहिवासी असलेले, खातगुण सोसायटीचे चेअरमन विजय लावंड यांचे जिवलग मित्र संजय साळुंखे यांनी जगातील अत्यंत अवघड मॅरेथॉन मध्ये सहभागी होण्यासाठी आणि ती यशस्वीपणे पूर्ण करण्यासाठी गेल्या सहा महिन्यापासून सराव करीत होते. सुप्रसिद्ध धावपटू आणि प्रशिक्षक सतीश गुजरात यांच्या मार्गदर्शनाखाली त्यांनी केलेली मेहनत फळाला आली. आतापर्यंत आपण आपल्याकडील मुंबई मॅरेथॉन, ठाणे मॅरेथॉन, पुणे मॅरेथॉन अशा स्पर्धा बघितले आहेत. मात्र दक्षिण आफ्रिकेतील कॉम्रेड मॅरेथॉन त्यांची तुलना केली तर आपल्याकडील या सर्व मॅरेथॉन म्हणजे अक्षरशः लहान मुलांचा खेळ वाटेल यावरूनच कॉम्रेड मॅरेथॉन मधील आव्हानाचा तुम्हाला अंदाज येऊ शकतो, यात सहभागी होणाऱ्या धावपटूंनी 42 किलोमीटर अंतराची मॅरेथॉन चार तास आणि 50 मिनिटांच्या आत मध्ये पूर्ण केली असेल तरच त्यांना या कॉम्रेड मॅरेथॉन मध्ये प्रवेश दिला जातो.
 कॉम्रेड मॅरेथॉन अंतर तब्बल 90 किलोमीटर अंतर होते म्हणजे आपल्याकडील मॅरेथॉनच्या दुपटी हून अधिक म्हणजे ९० किलोमीटरचे अंतर पार करावे लागते तेही 12 तासाच्या आत मध्ये आणि कुठेही न थांबता तरच 21 किलोमीटर 42 km आणि 65 किमीच्या अंतर  हे आयोजकांनी ठरवून दिलेल्या वेळेच्याच पार करण्याचे बंधन धावपटूवर असते. एक प्रकारे ही मॅरेथॉन म्हणजे धावपटूंच्या शारीरिक आणि मानसिक क्षमतेची परीक्षा पाहणारी असते, इतकी कठीण प्रायम मॅरेथॉन पूर्ण केल्याबद्दल संजय काळोखे,यांचे खातगुण सोसायटीचे चेअरमन  विजय लावंड, सरपंच अमीना सय्यद, उपसरपंच शिवाजी लावंड ग्रामपंचायतीचे सर्व सदस्य सोसायटीचे सर्व सभासद तसेच परिसरातील विविध मान्यवरांनी अभिनंदन करून कौतुक केले आहे.