सातारा : एसटी बस म्हणजे गोरगरिबांची लाल परी.ग्रामीण भागात तर या एसटीची नाळ लोकांपर्यंत जोडली गेलेली आहे परंतु काही उद्धट कर्मचाऱ्यांमुळे ही एसटी बदनाम होऊ लागली आहे असाच एक प्रकार सातारमध्ये घडत आहे.

सातारा  किन्हई  ते चंचळी अशी एसटी बस सातारा आगारातून निघते या गाडीतून अनेक वयोवृद्ध शाळेतील मुल प्रवास करतात परंतु गेल्या काही दिवसापासून साताऱ्यातून निघाल्यानंतर ही बस किन्हई   येथेच थांबून चंचळी त जाणा-या प्रवाश्यांना येथेच उतरा असे चालक तथा वाहक जबरदस्ती सांगून तेथूनच माघारी येत आहे .किन्हई  ते चंचळीअसं तीन किलोमीटरचा अंतर हे वयोवृद्ध, महिला ,म्हातारी माणसं, शाळेतील मुलं यांना चालत प्रवास करण्यास एसटी वरील चालक तथा वाहक भाग पाडत आहेत. कितीही विनंती केली तरी ते  चंचळीत गावात एसटी येत नाही. चंचळी या गावात एसटी बस नेण्यास या गाडीवरील चालक तथा वाहक याना नक्की त्रास काय आहे हेच समजणं झालं आहे. एसटी आगारातून यांना या  चंचळी गावात जाण्यास डिझेल पुरवत नाही का ? असा प्रश्न येथील ग्रामस्थांना पडला आहे  चंचळी मधून सातारला प्रवास करणारे सुद्धा बरेच प्रवासी असतात परंतु  चंचळी मध्ये एसटी न आल्याने यांना एक तर पायी किंवा कोणाच्यातरी टू व्हीलर वरून किन्हई येथे यावं लागतं त्यामुळे प्रवाशांचे मोठ्या प्रमाणात हाल होत आहेत या एसटी चालक तथा वाहक यांना प्रवाशांनी कितीही विनंती केली तरी सुद्धा या प्रवाशांना किन्हई येथे सोडून हे उध्दट चालक वाहक स्वतःचा मनमानी कारभार करत असून प्रवाशांचे मात्र मोठ्या प्रमाणात हाल होत आहेत. याला कोणीतरी लगाम घालणार का उद्धट चालक आणी वाहक यांच्यावर कारवाई होणार का ? असा सवाल चंचळी येथील ग्रामस्थांनी व प्रवाशांनी सातारा न्यूजशी बोलताना व्यक्त केला आहे