पुसेसावळी : शहिद जवान प्रमोद जगन्नाथ कदम यांनी २००३ मध्ये देशसेवेसाठी कार्यरत झाले होते. सेना सेवा कोअर ५१४ बटालियन देहरादून येथील सेनेचे ते हवालदार पदावर कार्यरत होते २०२६ मध्ये सेवानिवृत्ती होणार होती. परंतू शुक्रवार दिनांक ०३ जानेवारी २०२५ रोजी जम्मू काश्मीर येथे ते शहिद झाल्याची माहिती मिळताच पुसेसावळी सह परिसरात शोककळा पसरली आहे . त्यांच्या पश्चात आई, पत्नी, मुलगा आणि मुलगी असा परिवार आहे. त्यांची अंत्ययात्रा उद्या रविवारी सकाळी ९ वाजण्याच्या सुमारास पुसेसावळी येथील मुख्य चौकातून काढण्यात येणार असून संपूर्ण शहरातून अंत्ययात्रा गोरेगाव रस्त्यावर असलेल्या महात्मा गांधी विद्यालयात समोर असलेल्या मैदानावर शासकीय इतमामात अंत्यसंस्कार होणार असल्याची माहिती माजी ग्रामपंचायत सदस्य आणि जिवलग मित्र सचिन कदम यांनी दिली.