किडगांव : सातारा तालुक्यातील  नेले किडगाव या दोन्ही गावच्या ग्रामदैवत श्री भैरवनाथ देवाच्या यात्रेची गुरुवारपासून सुरुवात होत असून या निमित्ताने विविध धार्मिक कार्यक्रमांचे आयोजन करण्यात आली असल्याची माहिती यात्रा कमिटीने दिली आहे.
  गुरुवार दिनांक 24 रोजी यात्रेचा मुख्य दिवस अजून रात्री १० वाजता देवाची महाआरती झाल्यानंतर भव्य असा छबीना काढण्यात येणार आहे.नेले येथे यात्रेनिमित्त 24 रोजी मंगला बनसोडे करवडीकर यांचा लोकनाट्य तमाशा चे आयोजन करण्यात आले असून 25 रोजी रात्री आर्केस्ट्रा कार्यक्रमाचे आयोजन करण्यात आले आहे अशी माहिती यात्रा कमिटीने दिली आहे. किडगाव यात्रेनिमित्त भैरवनाथ यात्रा कमिटीच्या वतीने शुक्रवार दिनांक 24 मे रोजी महाराष्ट्रातील नामवंत तमाशा रघुवीर खेडकर सह कांताबाई सातारकर यांचा लोकनाट्य तमाशा सकाळी 11 ते दुपारी चार या वेळेत आयोजित करण्यात आला असून रात्री महाराष्ट्रातील दुसरा नामांकित तमाशा मंगला बनसोडे सह नितीन बनसोडे यांचा लोकनाट्य तमाशा रात्री दहा ते दोन यावेळी होणार आहे. शनिवार दिनांक 25 मे रोजी शिवबा ग्रुप यांच्या वतीने राधा पाटील यांचा लावणी कार्यक्रम आयोजित करण्यात आला आहे. रविवारी 26 मे रोजी विजय नाट्य मंडळ किडगाव यांच्या वतीने तीन अंकी तमाशाप्रधान विनोदी नाटक बाईच्या तिढ्यात सरपंच कोड्यात अर्थात नाती विसरली रक्ताची या नाटकाचे सादरीकरण होणार असून परिसरातील भाविक भक्तांनी सदरच्या कार्यक्रमाचा आनंद लुटावा असे अहवाल यात्रा कमिटी यांच्यावतीने करण्यात आले आहे.