फलटण: सातारा जिल्ह्यातील एका सामाजिक कार्यकर्त्यांनी महावितरण कडे केलेल्या पाठपुराव्याने महावितरणच्या एका कार्यकारी अभियंत्याची कथी त भ्रष्टाचार प्रकरणी विभागाच्या बाहेर बदली करण्यात आली असून अजून एका अधिकाऱ्याची लवकरच विभागीय चौकशी होण्याची दाट शक्यता पाठपुरावा केलेल्या सामाजिक कार्यकर्त्यांनी दिलेल्या माहितीनुसार मिळाली आहे. 

महावितरणच्या कोट्यावधी रुपयांच्या भ्रष्टाचाराबाबत भांडाफोड केल्याने एका सामाजिक कार्यकर्त्याच्या केलेल्या तक्रारीला यश आले असून या प्रकरणाची दखल महावितरणचे मुख्यालय प्रकाश गड बांद्रा, (मुंबई) येथून घेण्यात आली. आणि या तक्रारीची गंभीर दखल घेत चौकशीचे आदेश देण्यात आले आहेत अशीही माहिती त्यांनी दिली आहे. या प्रकरणाची सखोल चौकशी चालू असून लवकरच तक्रारदारांच्या वतीने या कथित भ्रष्टाचार प्रकरणी सर्व माहिती समोर येणार आहे. 

त्यामुळे फलटण तालुक्यात खळबळ उडाली असून सामाजिक कार्यकर्त्याच्या तक्रारीची वरिष्ठ स्तरावर दखल घेतल्यामुळे फलटण येथील महावितरण चा कथीत भोंगळ कारभार लवकरच उघड होणार आहे