शिवथर.:  महाराष्ट्रामध्ये सर्वसामान्य शेतकऱ्यांच्या हाताला हातभार लागावा यासाठी जास्त प्रमाणात दुग्ध व्यवसाय केला जातो परंतु शासन प्रति लिटर 28 ते 30 दर देऊन सर्वसामान्य शेतकऱ्याची दिशाभूलच शासन करत आहे आम्हाला 40 ते 45 रुपये दर प्रति लिटर दुधाला मिळावा यासाठी आम्ही सर्व शेतकऱ्यांना आणि दुग्ध व्यवसायिकांना घेऊन दूध ओतून आंदोलन करत आहोत असे प्रतिपादन शेतकरी संघटना किसान मंच चे जिल्हा युवा अध्यक्ष संदीप साबळे यांनी केले 

            शेतकऱ्यांचे अर्थ वाहिनी म्हणजे शेती आणि शेतीला जोडधंदा म्हणून दुग्ध व्यवसाय केला जातो दर पंचवार्षिकला शेतकऱ्यांच्या बाबतीत राज्य शासन आश्वासनाची खैरातच करत असते परंतु या राजकीय नेत्यांना कोणाचेच काही देणे घेणे नाही फक्त मताचा जोगवा मागण्यासाठी शेतकऱ्यांच्या पुढे निवडणुकी आदोगर हात जोडून आणि आश्वासन देऊन जातात निवडून आल्यानंतर सर्वसामान्य शेतकऱ्यांचे काहीही देणं घेणं नाही अशीच अवस्था महाराष्ट्र मध्ये दिसून येत आहे राज्य शासनाने सर्वसामान्य शेतकऱ्यांसाठी दूधाला 40 ते 45 रुपये दर द्यावा आणि जनावरांच्या खाद्यासाठी जे खाद्य वापरले जात त्याचा दर कमी करावा म्हणजेच हे सर्वसामान्य शेतकऱ्यांची अर्थवाहीनी समजल्या जाणाऱ्या दुग्ध व्यवसायाला न्याय मिळेल असेही जिल्हा युवा अध्यक्ष संदीप साबळे बोलत होते आंदोलन करतेवेळी मोठ्या प्रमाणात शेतकरी व दुग्ध व्यवसायिक उपस्थित होते