जिल्ह्यातील २२३ शाळा मॉडेल स्कूल करण्यात येणार....मुख्य कार्यकारी अधिकारी याशनी नागराजन
Satara News Team
- Thu 20th Jun 2024 04:00 pm
- बातमी शेयर करा
![](https://esataranews.com/upload/post/8db18e8e54.jpeg)
सातारा : जिल्ह्यातील २२३ शाळा मॉडेल स्कूल करण्यात येणार आहेत. यासाठी भरीव निधीचीही तरतूद झाली आहे. जिल्हा परिषदेच्या प्रत्येक शाळेत गुणवत्तापूर्ण शिक्षण मिळण्यासाठी काम सुरू आहे. सेमी इंग्रजीचे शिक्षण, संगणकाचे ज्ञान कसे देता येईल, याबाबतचा आराखडा तयार करण्यात आल्याची माहिती मुख्य कार्यकारी अधिकारी याशनी नागराजन यांनी दिली.
जिल्हा परिषदेत आयोजित पत्रकार परिषदेत त्या बोलत होत्या. या वेळी जिल्हा ग्रामीण विकास यंत्रणेचे प्रकल्प संचालक संतोष हराळे, प्राथमिक विभागाच्या शिक्षणाधिकारी शबनम मुजावर, गटशिक्षणाधिकारी रवींद्र खंदारे यांच्यासह मान्यवर उपस्थित होते.
नागराजन म्हणाल्या, ‘‘राज्य शासनाने काही प्राथमिक शाळा मॉडेल स्कूल म्हणून विकसित करण्याचा निर्णय घेतला आहे. या अंतर्गत २०२२-२३ वर्षात जिल्ह्यातील २३ शाळांची निवड करण्यात आली होती.
यामध्ये २०२३-२४ वर्षात २७ शाळांची वाढ झाली, तर २०२४-२५ वर्षातही आणखी १७३ शाळांची मॉडेल स्कूल म्हणून निवड झाली. सध्या एकूण २२३ शाळांचा विकास मॉडेल स्कूल म्हणून करण्याचा निर्णय जिल्हा प्रशासनाने घेतला आहे.
यासाठी भरीव निधीची तरतूद केलेली आहे. या मॉडेल स्कूलअंतर्गत सर्व भौतिक सुविधांची निर्मिती करण्यात येणार आहे. यामध्ये वर्गखोल्या, शालेय स्वच्छतागृह, संरक्षण भिंत, जलपुनर्भरण, स्वागत कमान, संगणक प्रयोगशाळा, विज्ञान प्रयोगशाळा, शालेय ग्रंथालय, सोलर पॅनल, किचन शेड, परसबाग आदींचा समावेश असणार आहे.’’
विद्यार्थ्यांच्या व्यक्तिमत्त्व विकासासाठी अनेक उपक्रम राबविले जात आहेत. जिल्हा परिषद शाळेत दर शनिवारी दप्तराविना शाळा उपक्रम असणार आहे. या दिवशीही काय करायचे, याचेही नियोजन करण्यात आले आहे.
- याशनी नागराजन, मुख्य कार्यकारी अधिकारी
स्थानिक बातम्या
निढळची शाळा देशात रोल मॉडेल ठरेल! खा. शरद पवार
- Thu 20th Jun 2024 04:00 pm
कास पठारावरील फुलांचा हंगाम आजपासून सुरू ....उपवनसंरक्षक अदिती भारद्वाज यांच्या हस्ते उद्घाटन
- Thu 20th Jun 2024 04:00 pm
व्यापाऱ्यांनी निवेदन दिल्यानंतर राजपथ मार्गावर वाद्ये वाजवण्यावर बंदी, गणेश मंडळे आक्रमक
- Thu 20th Jun 2024 04:00 pm
विजयकुमार किसन भुजबळ यांना राज्यस्तरीय गुणवंत शिक्षक गुरु गौरव शिक्षक रत्न पुरस्कार जाहीर
- Thu 20th Jun 2024 04:00 pm
कर्ज प्रकरणी खोटे आश्वासन देऊन शुभम हाउसिंग फायनान्स कंपनीकडून कर्जदारांची मोठ्या प्रमाणात लूट...
- Thu 20th Jun 2024 04:00 pm
पोलिसावर पत्नीची तक्रार.अदखलपात्र गुन्हा दाखल
- Thu 20th Jun 2024 04:00 pm
संबंधित बातम्या
-
पुसेसावळी सह खटाव तालुक्यात चाललंय काय? रेशन फुकट अन् केवायसी ला मोजावे लागतात पैसे?
- Thu 20th Jun 2024 04:00 pm
-
औंध पोलिस ठाण्याच्या हद्दीतील अवैध व्यवसायीकांचा सुवर्णकाळ सुरू?
- Thu 20th Jun 2024 04:00 pm
-
आधी बदलीचे आदेश, नंतर साताऱ्यात पोलिस अधीक्षक यांच्या बदली आदेशाला स्थगिती
- Thu 20th Jun 2024 04:00 pm
-
साताऱ्यात पोलीस अधीक्षक सुधाकर पठारे आणि अप्पर पोलीस अधीक्षक वैशाली कडुकर यांची वर्णी ..
- Thu 20th Jun 2024 04:00 pm
-
१०८ रुग्णवाहिकेच्या निविदेची वर्क ऑर्डर निघाली
- Thu 20th Jun 2024 04:00 pm
-
एसपी समीर शेख यांना विशेष सेवा पदक
- Thu 20th Jun 2024 04:00 pm
-
राजेद्र कचरे वाईचे नवीन प्रांतअधिकारी नियुक्त
- Thu 20th Jun 2024 04:00 pm
-
ठेकेदाराने १० दिवसांत महामार्ग दुरुस्त न केल्यास गुन्हे दाखल करणार ... जिल्हाधिकारी जितेंद्र डुडी
- Thu 20th Jun 2024 04:00 pm