बेकायदेशीर वागणाऱ्या लोकांकडे जाणीवपूर्वक डोळेझाक करून, सामान्य नागरिकांना वेठीस धरणाऱ्या वाठार स्टेशन पोलीस ठाण्यातील वाहतूक पोलीस इमरान मुलाणी यांच्यावर कारवाई करण्याची लेखी तक्रार वाठार ग्रामपंचायतीने जिल्हा पोलीस प्रमुख यांच्याकडे  केली आहे.
            पत्रात म्हटले आहे की मुलाणी हे बेकायदेशीर वागणाऱ्यांकडे जाणीवपूर्वक डोळेझाक करून सामान्य नागरिकांवर चुकीच्या पद्धतीने कारवाई करत असल्याने नागरिकांनी ग्रामपंचायतीकडे तोंडी व समक्ष भेटून तक्रारी केल्या आहेत. तसेच सामान्य लोकांना वेटीस धरले जात आहे तरी  मुलाणी यांना वाहतूक पोलीस या पदावरून दूर करावे अन्यथा विशेष ग्रामसभेचे आयोजन करून आंदोलनाची दिशा ठरवावी लागेल अशी लेखी तक्रार वाठार ग्रामपंचायतीने सातारा जिल्हा पोलीस प्रमुख यांच्याकडे केली असून त्याची प्रत मा. रामराजे नाईक निंबाळकर, आ. दीपक चव्हाण, जिल्हाधिकारी रुचेश जयवंशी, पोलीस उपविभागीय अधिकारी गणेश किंद्रे, वाठार पोलीस ठाण्याचे सहाय्यक पोलीस निरीक्षक संजय बोंबले यांच्याकडे दिली आहे.