वाई : 29 वर्षानी भेटलेल्या मित्रानी आयुष्याच्या अगदी शेवटच्या क्षणापर्यंत एकमेकांच्या सुखदुःखात आपल्या परिवाराचा भाग म्हणून पाठीशी राहून, समाजातील इतरही सामाजिक कामात अग्रेसर राहण्यासाठी आपले योगदान देत राहायचे असे ठरवून हा आपुलकीचा स्नेहमेळावा या सवंगड्यानी एका अनोख्या पद्धतीने साजरा करून आदर्श निर्माण केला.
नवमहाराष्ट्र विद्यालय शिवनगर रायगाव ता जावळी येथील 1995 च्या इयत्ता 10 वीच्या विध्यार्थी विध्यार्थिनीचा स्नेहमेळावा नुकताच तरडगाव ता फलटण येथे झाला,
यावेळी येथील समाजसेवक विष्णू अडसूळ यांच्या आंब्याच्या बागेत या कार्यक्रमाचे नियोजन करण्यात आले होते,
अनेक वर्षानी भेटलेल्या या मित्रानी आपल्या दिवंगत मित्रांना श्रद्धांजली वाहून कृतज्ञता व्यक्त केली, त्यानंतर उच्च पदावर विविध ठिकाणी काम करनारे व आपल्या राजकीय सामाजिक क्षेत्रात उल्लेखनीय कामगिरी करणाऱ्या आपल्या मित्र मैत्रिणींचा सन्मान करून,एकमेकांच्या सुख दुःखाच्या चर्चा करत आपल्यापैकी आर्थिक विवंचणेत असलेल्या आपल्या मित्र मैत्रिणीच्या अडचणीत त्यांच्या पाठीशी राहण्यासाठी हे सखे सोबती पुढे आले आहेत
तर वेळे येथील अनाथाच्या यशोधन संस्थेसाठी देखील मदत करण्याचे ठरले,
यावेळी समाजसेवक विष्णू अडसूळ यांनी मार्गदर्शन करताना, जन्माला आलो आहोत तर असाच सकारात्मक दृष्टिकोन हवा त्या अनुषंगाने काम केले तर नक्कीच एक चांगले काम केल्याचे समाधान आपल्याला मिळत असते,
आजच्या काळात खरी गरज माणुसकीची आहे ती कायमच आपण जपली पाहिजे, असे सांगितले,
यावेळी कुसुम सुतार,हेमा शिवणकर,राखी गोरे, अर्चना महाडिक, अनिता सोनावणे,राजश्री फरांदे, वैशाली फरांदे, शैलजा माने, नीलम देशमाने, संग्राम शिंदे, गणेश पवार, दत्ता जगदाळे,मनोज पवार, मोहन धुमाळ,माधुरी सोनावणे, सारिका क्षीरसागर, बाळुताई फरांदे,शोभा पवार, विद्या पवार,राजेश फरांदे,उमेश कुलकर्णी, रविंद्र धुमाळ, खंडेराव नांगरे,अजित चव्हाण, संतोष जाधव, राहुल सोनटक्के,बाळकृष्ण फरांदे, प्रशांत गुजर, राजेंद्र सोनावणे,राजेंद्र बोराटे, अनिल सुतार यांची प्रमुख उपस्थिती होती.
" इतक्या वर्षानी आम्ही भेटलो आहे, त्यामुळे आमच्यापैकी काहीजण स्वर्गवासी झाले आहेत, तर काहीजण अजूनही अडचणीत आहेत त्यांना लागेल ती मदत करून आम्ही आमचा मैत्रीचा धर्म आम्ही पाळणार आहोत, आमच्या या संकल्पासाठी आमचे शिक्षक देखील आमच्या पाठीशी उभे आहेत."
राजेश फरांदे
बापू वाघ
