सातारा : गुरु काशी युनिव्हर्सिटी भटिंडा (पंजाब)येथे दिनांक 23 ते 28 डिसेंबर 2022 रोजी संपन्न होत असलेल्या ऑल इंडिया इंटर युनिव्हर्सिटी आर्चरी मुले/मुली स्पर्धेसाठी लाल बहादूर शास्त्री महाविद्यालयातील ४ मुली  खेळाडू व २ मुलांची निवड शिवाजी विद्यापीठाच्या आर्चरी संघामध्ये करण्यात आलेली आहे.या स्पर्धेमध्ये इंडियन राउंड,कंपाउंड राउंड, रिकव्हर राउंड या तिन्ही क्रीडा प्रकारात महाविद्यालयाचे हे सर्व खेळाडू सहभागी होणार आहेत.शिवाजी विद्यापीठाने घेण्यात आलेल्या इंटर झोनल आर्चरी स्पर्धेमध्ये लाल बहादूर शास्त्री महाविद्यालयाने  उपविजेतेपद प्राप्त केले होते. या स्पर्धेतील विजयी खेळाडू ची निवड शिवाजी संघात करण्यात आली यामध्ये लाल बहादूर शास्त्री महाविद्यालयांमध्ये १)तेजस्विनी बरकडे (M.A.1) २)लीना सावंत, (B. A.1)   ३) धनश्री जाधव (B.A.1)    ४) स्नेहा सावंत (B.A.1) ५)प्रतीक थोरवे (M.A.2) ६)अमित फाळके (B.A.2) या खेळाडूंची निवड करण्यात आली होती शिवाजी विद्यापीठाचे इंटर झोनल स्पर्धा चे आयोजन लाल बहादूर शास्त्री महाविद्यालयाने केले केले होते या सर्व विजयी खेळाडूंना लालबहादूर शास्त्री महाविद्यालयाचे प्राचार्य डॉ.आर.व्ही.शेजवळ उपप्राचार्य डॉक्टर अशोक तवर, डॉ. सी.पी. माने, जिमखाना विभागातील सर्व सदस्य, शिक्षकेतर कर्मचारी वर्ग यांनी आणि विशेष करून सर्व विद्यार्थी वर्गांनी अभिनंदन व विशेष कौतुक केलेले आहे. जिमखाना विभाग प्रमुख डॉ. विकास जाधव,प्रा. शिरीष ननावरे, श्री प्रकाश महाडिक आणि प्रविण सावंत (भारतीय आर्चरी संघाचे प्रशिक्षक) यांचे अनमोल असे मार्गदर्शन लाभले आहे.