औंध : औंध संस्थानच्या अधिपती, औंध शिक्षण मंडळाच्या चेअरमन, माजी जिल्हा परिषद अध्यक्षा गायत्री देवी पंतप्रतिनिधी यांच्या वाढदिवसानिमित्त मंगळवार दिनांक २७रोजी औंध येथे विविध कार्यक्रमांचे आयोजन केल्याची माहिती औंध शिक्षण मंडळाचे सचिव प्रदीप कणसे व सहसचिव प्रा.संजय निकम व सहसचिव प्रा.दिपक करपे यांनी दिली,राजा श्रीपतराव भगवंतराव महाविद्यालय येथे वृक्षारोपण कार्यक्रम होणार आहे तसेच श्रीमंत हर्षिताराजे इंग्लिश मीडियम व हायस्कूल येथे चित्रकला स्पर्धेचे आयोजन केले आहे तर श्री भवानी बाल विद्यामंदिर येथे बडबड गीत, रंगभरण स्पर्धा व हस्ताक्षर स्पर्धा होणार आहेत श्री वाघजाई देवी विद्यालय त्रिमली येथे मुलींच्या क्रिकेट स्पर्धा तसेच गीत गायन स्पर्धा होणार आहेत, तर राजा भगवंतराव जुनिअर कॉलेज येथे गीत गायन  एकपात्री प्रयोग व वक्तृत्व स्पर्धा होणार आहेत श्री यमाई श्रीनिवास विद्यालय येथे पारंपारिक वेशभूषा स्पर्धा यांचे आयोजन केले आहे. औंध ग्रामपंचायत, विकास सेवा सोसायटी यांच्या वतीने वृक्षारोपण, केक कापणे ,खाऊवाटप अशा विविध कार्यक्रमांचे आयोजन केल्याची माहिती सरपंच सोनाली मिठारे उपसरपंच दीपक नलवडे विकास सोसायटी चेअरमन संतोष शिंदे उद्धव माने या मान्यवरांनी दिली