सातारा : अंमली पदार्थ निर्माण होणारी झाडं लावणाऱ्या जय दुर्गा स्क्रॅपचा मालक ठाकूर यांच्यावर व त्याच्या सहकाऱ्यांवरती मोकांतर्गत कारवाई करावी.अन्यथा, आरपीआयमार्फत आंदोलन छेडण्यात येईल. असे आवाहन जिल्हाध्यक्ष दादासाहेब ओव्हाळ व जिल्हाध्यक्षा पूजा बनसोडे यांनी केले आहे.
    यासंदर्भात,पोलिसांनी केलेल्या कारवाईचे प्रथमतः पक्षातर्फे अभिनंदन करण्यात आले आहे. वाडे फाटा मळवी येथील जय दुर्गा माता स्क्रॅप मर्चंटच्या नावाने वाडे चौकामध्ये एका प्ररप्रांतीय ठाकूर नावाच्या व्यावसायिकाची भंगारचे दुकान आहे. तेच त्या दुकानाच्या आतमध्ये साधारणपणे चार अमली पदार्थाची झाडे लावून राजरोसपणे गांजा विक्री करीत होते.ठाकूर व त्याच्या सहकाऱ्यांवर  कारवाई करण्यात यावी.एकंदरच पोलिसांनी केलेल्या कारवाईचे अभिनंदन आहेच.परंतु, परप्रांतीय भंगारवाला व्यवसायिक यांनी राजरोसपणे अमली पदार्थाची झाडे गांजाची लावल्याने या व्यवसायात अनेक कोणत्या भंगार व्यवसायिकांचे पाठबळ होते हेही शोधणे आवश्यक आहे.कारण,मर्चंटचे  मालक ठाकूर यांचे सातारा जिल्ह्यातील अनेक बड्या भंगार व्यवसायिकांची लागेबांधे आहेत. त्यामुळेच त्याच्या प्रकरणांमध्ये तडजोड करण्याकरता अनेक भंगार व्यावसायिक तसेच राजकारणी मंडळी घुसली होती. परंतु पोलिसांनी कुठल्याही प्रकारचे कोणाचेही ऐकून न घेता दबावाला बळी पडले नाहीत. अशा या परप्रांतीय भंगारवाल्यांची  दादागिरी व अवैध्यव्यवसायामुळे जिल्ह्यामधील कायदा आणि सुव्यवस्थेचा प्रश्न निर्माण होत आहे. पूर्वी,अशाच बॉम्बे रेस्टॉरंट त्रिशंकू भागातील एका भंगार व्यवसाय करणाऱ्या यादव नावाच्या भंगार व्यावसायिकाने गोळ्या झाडून मर्डर केला होता.अशीच या लोकांची दादागिरी वाढत आहे.त्यास सहकार्य करणारे ही लोक भंगार व्यावसायिकच असून या अवैध व्यवसायातून जमवलेल्या माया भरपूर असल्यामुळे ते पोलिसांनाही व तसेच राजकारणी माणसालाही विकत घेण्याची भाषा करत आहेत. त्यामुळे अशा व्यवसायिकांवरती अमली पदार्थ कायद्यानुसार कडक कारवाई करून त्यांना मोका अंतर्गत किंवा रासुका अंतर्गत कायद्या नुसार कारवाई करण्यात यावी.अन्यथा, लवकरच लक्षणीय आंदोलन करण्यात येईल.असा इशाराही निवेदनाद्वारे दिला आहे.

पोलीसांना अभिनंदनसह कारवाईबाबत निवेदन सादर करताना पूजा बनसोडे शेजारी कार्यकर्ते.(छाया-अनिल वीर)