सातारा :साताऱ्यात दोन ट्रकच्या अपघातात केबिनमध्ये ट्रक चालक अडकला, क्रेनच्या मदतीने चालकाला 1 तासानंतर काढले बाहेर सातारा शहरा लगत असणाऱ्या पुणे बेंगलोर राष्ट्रीय महामार्गावर रात्री उशिरा बॉम्बे रेस्टॉरंट चौकाच्या पुलावर सांगलीहून पुण्याकडे निघालेल्या ट्रक चालकाचा अचानक ताबा सुटल्यामुळे ट्रक मधोमध असणाऱ्या दुभाजकाला धडकला. यावेळी पाठीमागून येणाऱ्या दुसऱ्या चालकाला स्वतःचा ट्रक नियंत्रणात न आल्यामुळे त्या ट्रकने देखील अपघातग्रस्त ट्रकला जोरदार धडक दिली. यामध्ये पाठीमागील ट्रक मधील चालक हा एक तास केबिनमध्ये अडकला यावेळी सातारा पोलिसांनी क्रेनच्या मदतीने केबिन मध्ये अडकलेल्या ट्रक चालकाला सुरक्षित बाहेर काढले असून दोन्ही अपघातग्रस्त ट्रक मधील चालक हे जखमी झाले असून त्यांना सातारा शासकीय रुग्णालयात उपचारासाठी दाखल केले आहे.