रहिमतपूर : जिहे गावचे सुपुत्र तसेच खा.छ. उदयनराजे भोसले यांचे खंदे समर्थक म्हणून ओळखले जाणारे सुनिलभाऊ सावंत यांचे आज अल्पशा आजाराने निधन झाले. सुनिल सावंत हे सातारा जिल्हा परिषदेचे माजी सदस्य ही होते. काही दिवसांपासून सुनिल भाऊ आजाराशी झुंज देत होते, मात्र अखेर आज त्यांची प्राणज्योत मालवली. सुनिल भाऊंच्या निधनाची बातमी कळताच संपूर्ण जिथे गाव व परिसर शोकसागरात बुडाला आहे. त्यांच्यावर उद्या शनिवार दि.16 जुलै रोजी दुपारी 3.00 वाजता जिथे येथे अंत्यसंस्कार करण्यात येणार आहेत.