मसूर : अंबवडे बु।। ता. सातारा येथील रंगराव देशमुख माध्यमिक विद्यालयात पार पडलेल्या शालेय शासकीय जिल्हास्तरीय कबड्डी स्पर्धेत शेरे ता. कराड येथील ॲड.बाळासाहेब शेरेकर कृष्णा माध्यमिक व उच्च माध्यमिक विद्यालयाच्या १९ वर्षाखालील मुलांच्या संघाने अजिंक्यपद पटकावत प्रथम क्रमांक प्राप्त केला. या संघाची विभागस्तरीय स्पर्धेसाठी निवड झाली आहे.
खेळाडूंना क्रीडाशिक्षक बी.एस.पानवळ, ए. एल. पवार, सौ. एस.एस.नरूले, व्ही. एम. शेवाळे, ए.एन.मोहिते  यांचे विशेष मार्गदर्शन लाभले. 
विजयी संघाचे संस्थेचे सचिव अभयकुमार बाळकृष्ण पाटील यांनी  कौतुक व अभिनंदन करून विभागीय स्पर्धेसाठी शुभेच्छा व्यक्त केल्या. विद्यालयाचे मुख्याध्यापक  एस. आर. कांबीरे व सर्व शिक्षक, शिक्षकेतर कर्मचारी यांनीही विजयी संघाचे अभिनंदन करून शुभेच्छा दिल्या.