देशमुखनगर:- अपशिंगे ता. सातारा येथील श्री भैरवनाथ ज्योतिर्लिंग ग्रामविकास पॅनेलचे श्री संजय निकम बापू यांचे अध्यक्षतेखाली सर्वानुमते श्री प्रकाश मारुती भोसले यांची बिनविरोध उपसरपंच पदी निवड करण्यात आली मावळत्या उपसरपंच सौ राधिका जाधव यांनी गेल्या महिन्यात राजीनामा दिल्याने हे पद रिक्त अवस्थेत होते. आज अध्यक्ष संजय बापू यांच्या अध्यक्षतेखाली श्री भैरवनाथ ज्योतिर्लिंग ग्रामविकास पॅनेलच्या वतीने ग्रामसभा घेऊन सर्वानुमते श्री प्रकाश भोसले यांच्या नावाची उपसरपंच पदी ग्रामस्थांची पसंती झाली. निवड प्रसंगी निवडणूक निरीक्षक म्हणून सहाय्यक गट विकास अधिकारी श्री सूर्यकांत निकम यांच्या उपस्थितीत निवडणूक पार पडली सचिव म्हणून ग्राम विकास अधिकारी एस बी निकम यांनी कामकाज पाहिले. नवनिर्वाचित उपसरपंच श्री प्रकाश मारुती भोसले यांनी सर्वांचे आभार मानले व राहिलेल्या काळामध्ये सर्वांगीण विकास आणि नागरिकांच्या समस्या सोडवण्याचा प्रामाणिक प्रयत्न करेन असे आश्वासन दिले.निवडणुकीच्या प्रसंगी सरपंच सौ सारिका गायकवाड पक्षाध्यक्ष संजय बापू निकम माजी उपसरपंच धनंजय निकम दीपक नलगे संचालक श्री संजय जाधव ग्रामपंचायत सदस्य व ग्रामस्थ उपस्थित होते.