ट्रॅक्टरखाली सापडून ग्रा.पं. सदस्याचा मृत्यू
Satara News Team
- Wed 8th Jan 2025 10:42 am
- बातमी शेयर करा

कोरेगाव : हार्वेस्टरद्वारे तोडलेला ऊस पाठीमागून गोळा करणाऱ्या ट्रॅक्टरखाली सापडून एका ग्रामपंचायत सदस्य तथा प्रगतशील शेतकऱ्याचा मृत्यू झाल्याची दुर्दैवी घटना अंबवडे संमत कोरेगाव (ता. कोरेगाव) येथे घडली आहे. अरुण धर्माजी जाधव (वय ५१) असे मृत शेतकऱ्याचे नाव आहे. या घटनेची नोंद मंगळवारी रात्री उशिरापर्यंत येथील पोलिस ठाण्यात झालेली नव्हती.
याबाबत अधिक माहिती अशी की, सोमवार रात्री साडेआठच्या सुमारास अंबवडे संमत कोरेगावच्या डोंगर नावाच्या शिवारात किसन वीर सातारा सहकारी साखर कारखान्यासाठी अरुण जाधव यांच्या शेतातील उसाची तोडणी हार्वेस्टरद्वारे गतीने सुरू होती. ही तोडणी सुरू असताना या हार्वेस्टरद्वारे तोडलेल्या उसाच्या कांड्या एका ट्रॅक्टरद्वारे गोळा करून ट्रॉली भरली जात होती.
लगतच अंधारात अरुण जाधव हे इतर कांड्याही वेचत होते. हे काम सुरू असताना अचानक कांड्या गोळा करणाऱ्या ट्रॅक्टरखाली ते सापडल्यामुळे गंभीररीत्या जखमी झाले. त्यांना तातडीने कोरेगाव येथे एका खासगी रुग्णालयात उपचारार्थ हलवण्यात आले. तेथून त्यांना सातारा सर्वसाधारण रुग्णालयात हलविण्यात आले असता तेथे त्यांचा मृत्यू झाल्याचे सांगण्यात आले.
या घटनेची नोंद रात्री उशिरापर्यंत येथील पोलिसात झालेली नव्हती. मृत पावलेले अरुण जाधव हे अंबवडे संमत कोरेगाव ग्रामपंचायतीचे विद्यमान सदस्य होते. प्रगतशील शेतकरी आणि एक सामाजिक कार्यकर्ते म्हणून त्यांचा परिचय होता. त्यांच्यामागे पत्नी, दोन मुले, आई, दोन भाऊ असा परिवार आहे. मंगळवारी सकाळी दहा वाजता त्यांच्यावर अंबवडे संमत कोरेगाव येथे अंत्यसंस्कार करण्यात आले.
accident
satara
koregav\
koregav
स्थानिक बातम्या
कारागृहातून सुटलेल्या संशयिताला नेताना जमावाची गुंडागर्दी
- Wed 8th Jan 2025 10:42 am
अवैध गुटखा विकणारांवर छापासत्र उंब्रज पोलीस, अन्न, औषध प्रशासनाची संयुक्त कारवाई
- Wed 8th Jan 2025 10:42 am
संजीवराजेंच्या घरी आयकर विभागाचे पथक; चौकशी चालू
- Wed 8th Jan 2025 10:42 am
ऑनलाईन गेम मध्ये पैसे हरल्याने मोटर सायकल चोरी करणारा वडूज पोलीसांकडून जेरबंद.
- Wed 8th Jan 2025 10:42 am
"असे" पालकमंत्री मिळणे सातारा जिल्ह्यासाठी दुर्दैवी..
- Wed 8th Jan 2025 10:42 am
समाजातील लोकांनी दातृत्वाची भावना ठेवायला हवी : दत्तात्रेय इंगवले
- Wed 8th Jan 2025 10:42 am
संबंधित बातम्या
-
वाई बस स्थानकासमोर अपघात ,एकाचा मृत्यू चार जखमी.
- Wed 8th Jan 2025 10:42 am
-
महामार्गावरील खांबाटकी बोगद्याजवळ कंटेनर, टँकर व तीन कारचा विचित्र अपघात
- Wed 8th Jan 2025 10:42 am
-
शिरवळ जवळ भीषण अपघात; तरुणीचा जागीच मृत्यू, दुचाकीस्वार गंभीर जखमी
- Wed 8th Jan 2025 10:42 am
-
तासवडे एमआयडीसी मध्ये भीषण स्फोट होऊन कामगाराचा उपचारादरम्यान मृत्यू
- Wed 8th Jan 2025 10:42 am
-
शहरातील डी-मार्ट नजीक खाणीत सडलेल्या अवस्थेत सापडलेला मृतदेह फलटण येथील तांबोळी यांचा
- Wed 8th Jan 2025 10:42 am
-
संभाजीनगर कमानी समोर राष्ट्रीय महामार्ग वर ट्रॅक्टर व ट्रॉली थरार
- Wed 8th Jan 2025 10:42 am
-
महाबळेश्वरच्या लॉडविक पॉईंटवर उडी मारून व्यक्तीची आत्महत्या
- Wed 8th Jan 2025 10:42 am
-
बिबट्याचा मेंढ्याच्या कळपावर हल्ला,कराडच्या घोगावात 13 मेंढ्या जागीच ठार
- Wed 8th Jan 2025 10:42 am