पुसेसावळी    :  पुसेसावळी ग्रामपंचायत हद्दीतील विटा रस्त्यावर एम.एस.ई.बी.च्या कार्यालया शेजारील पाटबंधारे विभागाच्या विना वापर बंद अवस्थेत असलेल्या खोल्यांपैकी एका खोलीत पुसेसावळी येथील २० वर्षीय युवकाने दोरीने गळफास घेऊन जिवनयात्रा संपवली. घटनेची माहिती मिळताच पुसेसावळी सह परिसरातील युवक आणि नागरिकांनी घटनास्थळी धाव घेतली. यावेळी माहिती मिळताच औंध पोलिस ठाण्याचे पोलिस उपनिरीक्षक अनिल शिरोळे, पुसेसावळी दुरक्षेत्राच्या महिला पोलिस हवालदार खाडे, पोलिस हवालदार कांबळे आणि पोलिस हवालदार रोहित खरात यांनी घटनास्थळी तातडीने भेट देत जागेवर पंचनामा करण्यात आला. 

यानंतर सदरचे मृतदेह ग्रामीण रूग्णालय,औंध येथे शवविच्छेदन करून नातेवाईकांच्या ताब्यात देण्यात आलेले नंतर त्याचेवर अंतिम संस्कार करण्यात आले. याबाबत दिलीप गोविंद जाधव, यांनी १३ जून २०२५ रोजी सकाळी ९:३० वाजता चे पुर्वी (नक्की वेळ माहीत नाही) मौजे पुसेसावळी ता. खटाव गावचे हद्दीत एम.एस.ई.बी. ऑफिस शेजारील पडक्या खोलीत पुतण्या शुभम सुरेश जाधव वय-१९ वर्षे रा.पुसेसावळी ता.खटाव जि.सातारा हा दोरीने गळफास घेऊन मयत अवस्थेतेत मिळुन आला आहे. तरी त्याचे मयतेचा तपास व्हावा. अशी खबर दिली असून त्यानुसार औंध पोलिस स्टेशन येथे अकस्मात मयत नंबर ३४/२०२५ ने नोंद घेतली असून त्याचा पुढील तपास पोलीस हवालदार राहुल एस.वाघ करीत आहेत.