देशमुखनगर : फत्त्यापूर ता.सातारा गावचे सुपूत्र व सध्या बंगलोर येथे नोकरी निमित्ताने स्थायीक असणारे  सागर संपत घाडगे यांची कन्या  शार्वी सागर घाडगे हिने इंडिया बुक रेकॉर्ड मध्ये सहभाग घेऊन वयाच्या 1 वर्ष 7 महिने वय असणाऱ्या शार्वीने इंडिया बुक रेकॉर्डमध्ये आपले नाव प्रस्थापित करून फत्यापूरसह सातारा जिल्ह्याच्या शिरपेचात मानाचा तुरा रोवला असून अतिशय लहान वयात विविध फळभाज्या, फळे, विविध गेम, पक्षी, प्राणी, A to Z इग्रजी शब्द पाठांतर त्याचबरोबर देशपातळीवरील लीडर्स यांची नावे अगदी सहजरित्या सांगणार्या शार्वीने  इंडिया बुक रेकॉर्ड मध्ये वयाच्या 1 वर्ष आणि 7 महिने हे रेकॉर्ड आपल्या नावावर केले .
 'इंडिया बुक ऑफ रेकॉर्ड्स'च्या संपादकीय मंडळाने केलेल्या पुराव्याची बारकाईने पडताळणी आणि विसंगतींना वाव नसलेला बुक रेकॉर्ड डेटाबेस यांचा समावेश असलेल्या विस्तृत तपासणीनंतर रेकॉर्ड लेखनाचे प्रोटोकॉल प्रमाणे महाराष्ट्रातील सातारा येथील शार्वी सागर घाडगे (जन्म 22 नोव्हेंबर 2021 हिने 11 व्यंगचित्रे, 10 वाहने, 12  शरीर अवयव , 7 पक्षी , 11 भाज्या , 14 प्राणी , 8 खेळ , 7 नेते , 14 फळे , 7 क्रिया ,A to Z इंग्रजी शब्द तसेच एक कविता बोलत असल्याची पडताळणी करून इंडिया बुक आँफ रेकाँर्डस मध्ये गौरविण्यात आले असून तीच्या या यशाबद्दल तिचे व तिला मार्गदर्शन करणारी आई प्रियांका सागर घाडगे हिचे मा.सरपंच संपत ह.घाडगे यांच्यासह सामाजिक,शैक्षणिक,कृषी,राजकीय क्षेत्रातून तसेच ग्रामपंचायत, विकास सेवा सोसायटी,भैरवनाथ पाणी पुरवठा संस्था फत्यापूर यांनी अभिनंदन केले आहे

फोटो :-

 इंडिया बुक आँफ रेकाँर्डसने गौरविण्यात आलेल्या मानांकनसह कु.शार्वी घाडगे