आंधळी : दहिवडी फलटण रोडवर पांगरी  नजीक ट्रॅक्टर ट्रॉली व बलेरो गाडीचा भीषण अपघात झाला असून या अपघातामध्ये दोन जण जागीच ठार झाले आहेत तर तीन जणांना पुढील उपचारासाठी सातारा या ठिकाणी नेण्यात आले आहे. ट्रॅक्टर वरील ड्रायव्हर मोहन साहेबराव पांढरे रा. वावहिरे ता. माण याच्यावरती दहिवडी पोलीस ठाण्यामध्ये गुन्हा दाखल करण्यात आला आहे. 

   सदर अपघातामध्ये बलेरो गाडीतील सपंत् केरू तामखडे वय 65 वर्ष, आर्या बाबुराव तामखडे वय ६ वर्ष यांच्या मृत्यूस झाला असून मालन संपत तामखडे,नीलम बाबुराव तामखडे, विद्या राहुल तामखडे व धनश्री, हिंदवी यांना किरकोळ व गंभीर दुखापत व वाहनाचे नुकसान झाले आहे. 
  याबाबत पोलिसांकडून मिळालेली माहिती अशी की, सायंकाळी ७. वा. सुमारास बलेरो गाडी एम एच 11 बी एच १५ ३९ वरील चालक हा फलटण ते दहिवडी रोड दहिवडी बाजुकडे येत असताना मौजे पांगरी तालुका मान गावच्या हद्दीत बस स्टॉप पासून फलटण बाजूस 50 मीटर अंतरावर एक लाल रंगाचा बिगर नंबर प्लेटच्या मेसी फरगुशन कंपनीच्या ट्रॅक्टर वरील चालक मोहन साहेबराव पांढरे यांनी ट्रॉलीला रिप्लेक्टर न लावता ट्रॉलीमध्ये  लोखंडी पाईप भरून डांबरी रस्त्यावर धोकादायक स्थितीत उभा केल्याने हा अपघात झाला आहे.. 
      याबाबत बिना नंबर प्लेट चा मिसी फरगुशन कंपनीचा ट्रॅक्टर वरील चालक मोहन साहेबराव पांढरे यांच्या विरुद्ध मोटार वाहन कायदा कलम 134अ, 134 ब  प्रमाणे क गुन्हा दाखल करण्यात आला आहे. याबाबत अधिक तपास महिला पी.एस.आय मोटे करीत आहेत.