सातारा : सातारा तालुक्यातील कण्हेर येथे जुन्या भांडणातून दोन गटांत मारहाण झाली. भांडणे सोडवण्यासाठी आलेल्या त्याच्या आईलाही मारहाण करून शिवीगाळ केली. याप्रकरणी कण्हेर, ता. सातारा येथील तीन जणांवर सातारा तालुका पोलीस ठाण्यात परस्परविरोधी तक्रार देण्यात आली असून, गुन्हा नोंद झाला आहे.
याबाबत पोलिसांनी दिलेली माहिती अशी की, याप्रकरणी वैभव दिनकर नरुळे (रा. कण्हेर) याने तक्रार दिली आहे. त्यानुसार अक्षय सुनील पवार, आकू मन्सूर शेख आणि पंकज चव्हाण (पूर्ण नाव नाही. रा. कण्हेर) यांच्याविरोधात गुन्हा नोंद झाला आहे. दि. 19 मे रोजी ही घटना घडली. जुन्या भांडणातून चिडून हाताने मारहाण करून शिवीगाळ करण्यात आल्याचे वैभव नरुळे याने तक्रारीत म्हटले आहे. तर साहिल मन्सूर शेख याने दिलेल्या तक्रारीनुसार वैभव दिनकर नरुळे, अक्षय दिनकर नरळे (रा. कण्हेर) आणि एका महिलेच्या विरोधात गुन्हा नोंद झाला आहे. जुन्या भांडणातून मारहाण आणि शिवीगाळ केल्याचे तक्रारीत म्हटले आहे, असे पोलिसांनी सांगितले. सातारा तालुका पोलीस ठाण्यात नोंद झाली आहे. याबाबतचा अधिक तपास हवालदार वायदंडे हे करीत आहेत.