सातारा : जागतिक वारसास्थळ असलेल्या कास पुष्प पठारावर इलेक्ट्रिक बस सुरू करण्यात आली आहेत.. या बसचे चार्जिंग स्टेशन साताऱ्यातील छत्रपती शिवाजी महाराज संग्रहालयाच्या नूतन इमारतीत करण्यात येत आहे.. याला साताऱ्यातील शिवसैनिकांनी तीव्र विरोध केलाय..  हे चार्जिंग स्टेशन त्वरित या ठिकाणाहून अन्य ठिकाणी हलवण्यात यावे अन्यथा लवकरच  तीव्र आंदोलन छेडून हे चार्जिंग स्टेशन तोडण्यात येईल असा इशारा शिवसेनेचे उपशहर प्रमुख गणेश अहिवळे यांनी दिलाय..

छत्रपती शिवाजी महाराज वस्तू संग्रहालयात चार्जिंग स्टेशन उभारल्यास संग्रहालयाच्या इमारतीस धोका असून चार्जिंग स्टेशन मुळे स्फोट झाल्याच्या घटना ताज्या असताना या ठिकाणी हे स्टेशन उभारण्यास छत्रपती शिवाजी संग्रहालयाचे अभिरक्षक प्रवीण शिंदे यांनी देखील विरोध दर्शविला आहे.. जिल्हाधिकाऱ्यांनी चुकीचे सांगून या ठिकाणी चार्जिंग स्टेशन उभे केले असल्याचा आरोप देखील यावेळी करण्यात आलाय..