सातारा  : दरे खुर्द ता. सातारा येथे राहत असलेल्या पतीने पत्नीच्या माहेरच्या मंडळीविरूद्ध गुन्हा दाखल केला. यांचा राग मनात धरून पत्नीने सासुच्या डोक्यात दगड घालुन तिला जखमी केले आहे. यामुळे सुन पुजा रामचंद्र कोकरे हिच्या विरूद्ध सासु ताईबाई सोनबा कोकरे(वय 41) यांनी तालुका पोलीस ठाण्यात गुन्हा दाखल केला आहे.  
पोलिसांनी दिलेली माहिती अशी, पुजा कोकरे ही ताईबाई कोकरे यांची धाकटी सून आहे. तिच्यात व पती रामचंद्र कोकरे यांच्यात वाद झाला होता. या वादामुळे रामचंद्र याने पुजाच्या माहेरच्या मंडळीविरूद्ध गुन्हा दाखल केला. पुजाने यांचा राग मनात धरला होता. तोच रविवार दि. 31 रोजी 8 वाजण्याच्या सुमारास ताईबाई या मोठी सून सुनिता हिच्या सोबत बोलत बसल्या होत्या. यावेळी पुजा तिथे आली. व तिने दगड उचलून ताईबाईच्या डोक्यात घातला. दगड जोरात लागल्याने रक्तस्त्राव होऊ लागल्याने त्यांना रूग्णालयात नेण्यात आले. त्यांना पाच टाके पडले. यामुळे पुजाच्या विरूद्ध तालुका पोलीस ठाण्यात ताईबाईनी गुन्हा दाखल केला आहे. या गुह्याचा अधिक तपास तालुका पोलीस रमेश शिखरे करत आहेत