सातारा : यादोगोपाळ पेठ येथे विवाहितेच्या खून प्रकरणातून बहिणीच्या पतीला मारहाण केल्याप्रकरणी दोघांवर शाहूपुरी पोलिस ठाण्यात गुन्हा दाखल झाला आहे. यादोगोपाळ पेठ येथे अंजली शिंदे या विवाहितेचा खून करून कॉटखाली गाठोड्यात गुंडाळलेला आढळून आला होता. अंजली शिंदे यांच्या मुलींनी कॉटखाली मुतदेह पाहिल्यानंतर मुलींनी हि बाब अंजलीचा भाऊ श्रेयस ह्याच्या निर्दशनास आणून दिली. मृतदेह पाहिल्यानंतर श्रेयस आणि अंजलीचा पती राजेंद्र शिंदे यांच्यामध्ये झटापट झाली होती. यामध्ये राजेंद्र शिंदे हा जखमी झाला होता. त्याच्यावर जिल्हा रुग्णालयात उपचार सुरु आहेत. पती राजेंद्र शिंदे याच्यावर अंजली शिंदे हिच्या खूनप्रकरणी गुन्हा दाखल करण्यात आला आहे. 

 दरम्यान याप्रकरणात आता अभिषेक अनिलकुमार पाटील व श्रेयस अनिलकुमार पाटील (दोघे रा. करंजे, सातारा) यांच्या विरुध्द महेश भानुदास शिंदे ( वय ४२, रा. पानमळेवाडी पो. वर्ये ता.सातारा) यांनी तक्रार दिली आहे. अंजली शिंदे या विवाहितेचा खून झाल्याप्रकरणी पती राजेंद्र शिंदे याला अजंलीचे दोन्ही भाऊ अभिषेक व श्रेयस यांनी रागाच्या भरात पाईप, लाथा-बुक्क्यांनी मारहाण करुन जखमी केले. असे तक्रारीत म्हटले आहे.