वाई : वाई तालुक्यातील एका गावात दोन गटात शेतीच्या कारणावरुन ६ मे रोजी सकाळी ९ च्या सुमारास हाणामारीची घटना घडली. दोन्ही गटाकडून परस्पर विरोधात विनयभंग व मारहाणीच्या तक्रारी वाई पोलीस ठाण्यात दाखल केल्या आहे. शेतात नांगरटीच्या कारणावरून दोन्ही गटात बाचाबाचीचे रुपांतर तुंबळ हाणामारीत झाले. या हाणामारी महिलांचा विनयभंग झाला असून दोन्ही गटाने एकमेकांविरोधात तक्रार दाखल केली आहे. यावरुन गुन्हा दाखल करण्यात आला आहे. याचा तपास वाई पोलीस करत आहेत.