सातारा : श्रीपतराव पाटील हायस्कूल करंजे पेठ सातारा येथील प्रयोगशाळा सहाय्यक शंकर माने प्रदीर्घ सेवेनंतर 31 मार्च 2023 रोजी सेवानिवृत्त झाले. यानिमित्ताने येथील सेवानिवृत्त शिक्षक व भटक्या विमुक्त संघटनेचे राज्यसरचिटणीस रामभाऊ जाधव यांनी त्यांचा सत्कार करून भावी कार्यास शुभेच्छा व्यक्त केल्या याप्रसंगी विद्यालयाचे प्राचार्य रवींद्र फडतरेसर, पर्यवेक्षक अमरसिंग वसावे, दीपक इंदलकर आदी उपस्थित होते. यावेळी बोलताना येथील सेवानिवृत्त शिक्षक व भटक्या विमुक्त संघटनेचे  राज्य सरचिटणीस रामभाऊ जाधव यांनी आपले विचार व्यक्त केले." ते म्हणाले या श्रीपतराव पाटील हायस्कूल करंजे पेठ येथे प्रदीर्घ सेवेनंतर येथील प्रयोगशाळा सहाय्यक शंकर माने सेवानिवृत्त झाले त्यांचे या शाळेला मोठे योगदान मिळाले आहे, अशा या शाळेतील अनेक मानांकित शिक्षक व शिक्षकेतर कर्मचारी यांच्या सक्रिय योगदानामुळे या शाळेतील विद्यार्थी मोठ मोठ्या पदावर पोहोचलेले आहेत अशा विद्यार्थ्यांची संख्या सातारमध्ये सुद्धा ही लक्षणीय आहे हि बाब या शाळेतील शिक्षकांना निश्चितच गौरवास्पद असल्याचे मत जाधव सर यांनी व्यक्त केले.यावेळी सेवानिवृत्त कर्मचारी शंकर माने यांनीही आपले विचार व्यक्त केले.