सातारा :  सातारा जिल्हा पोलीस दलातील पोलीस शिपाई   पदासाठी दि. 2 एप्रिल 2023 रोजी लेखी  परीक्षा होत आहे. ही परीक्षा यशवंतराव चव्हाण इन्स्टिट्युट ऑफ सायन्स कॉलेज, छत्रपती शिवाजी कॉलेज व धनंजयराव गाडगीळ कॉलेज या तीन परीक्षा केंद्रावर होणार आहे.

          या परीक्षेच्यावेळी कायदा व सुव्यवस्था प्रश्न निर्माण होऊ नये म्हणून या परीक्षा केंद्राच्या 100 मीटर परिसरात क्रिमिनल प्रोसिजन कोड 1973 चे कलम 144 नुसार दि. 2 एप्रिल 2023 राजीचे सकाळी 8 ते सायं. 6 या कालावधीसाठी प्रतिबंधात्मक आदेश जारी केले आहेत. यानुसार सदर केंद्रांच्या परिसरात परीक्षार्थी, परीक्षा बंदोबस्तासाठी नेमलेले अधिकारी व अंमलदार, परीक्षा व्यवस्थापनातील अधिकारी व कर्मचारी, सुरक्षा कर्मचारी यांना वगळून इतर व्यक्तिंना प्रवेशास मनाई आहे. तसेच 2 किंवा त्या पेक्षा अधिक व्यक्तिंना एकत्र येण्यास मनाई असेल.

          वरील केंद्रांच्या 100 मीटर परिसरात टेलिफोन, एस. टी. डी, आय. एस. डी. बुथ, फॅक्स केंद्र, मोबाईल, रेडिओ, गणकयंत्र, लॅपटॉप व अन्य संदेश दळणवळण साधने वापरणेस, जवळ बाळगणेस व परिक्षाकेंद्रात नेणे मनाई असल्याचे आदेश अपर जिल्हादंडााधिकारी प्रशांत आवटे यांनी जारी केले आहेत.