कास पठाराजवळील (चिकणवाडी) येथे बिबट्याकडुन दुचाकीस्वारावर हल्ला
Satara News Team
- Mon 3rd Jun 2024 01:25 pm
- बातमी शेयर करा

सातारा : कास पठार परिसरातील चिकणवाडी (कुसुंबी) गावातील गणेश दगडू चिकणे वय ३७ याच्यावर रविवारी रात्री अकराच्या सुमारास गावाजवळच बिबट्याने दुचाकी चालवत असताना हल्ला करून गंभीर जखमी केले.
या हल्ल्याने डोंगर माथ्यावरील गावात खळबळ उडाली असून थेट वस्तीजवळच हल्ला झाल्याने लोकांमध्ये भितीचे वातावरण पसरले आहे.
या बाबत सविस्तर वृत्त असे, गणेश चिकणे हा रात्री अकराच्या सुमारास कुसुंबीमुरा गावातून आपल्या चिकणवाडी गावाकडे दुचाकीवरून येत होता. चिकणवाडी गावच्या हद्दीत स्मशानभूमीजवळ मुख्य रस्त्यावर आला असताना अचानक बिबट्याने उडी मारून गाडीवरून खाली पाडले. बिबट्याने मानेला, हाताला व पायाला गुडघ्याजवळ पंजे मारून व चावा घेऊन जखमी केले.
अचानक झालेल्या हल्ल्याने गणेशने आरडाओरडा करताच बिबट्या निघून गेला. त्यानंतर त्याने फोन करून घरी पत्नीला झालेला प्रकार सांगितल्यानंतर गावातील सोपान चिकणे व इतर ग्रामस्थ तात्काळ घटनास्थळी गेले. त्यानी तातडीने कुसुंबीचे सरपंच मारूती चिकणे यांना कल्पना दिली.
त्यानंतर पुढील उपचारासाठी मेढा येथील ग्रामीण रुग्णालयात नेण्यात आले. त्याठिकाणी वनविभागाच्या अधिकाऱ्यांनी येऊन प्राथमिक माहिती घेतल्यावर उपचार करण्यात आले. आज वनविभागाच्या वतीने घटनास्थळाचा पंचनामा करण्यात येईल.
कुसुंबीमुरा, चिकणवाडी, सह्याद्रीनगर हा परिसर जंगल व्याप्त असलेने वन्य प्राण्यांचा वावर असतो. पण मानवावर थेट हल्ल्याच्या घटनेने या परिसरातील नागरिकांची चिंता वाढली असून वनविभागाने बिबट्याचा बंदोबस्त करावा अशी मागणी सरपंच मारूती चिकणे यांनी केली आहे.
#kaspathar
स्थानिक बातम्या
कारागृहातून सुटलेल्या संशयिताला नेताना जमावाची गुंडागर्दी
- Mon 3rd Jun 2024 01:25 pm
अवैध गुटखा विकणारांवर छापासत्र उंब्रज पोलीस, अन्न, औषध प्रशासनाची संयुक्त कारवाई
- Mon 3rd Jun 2024 01:25 pm
संजीवराजेंच्या घरी आयकर विभागाचे पथक; चौकशी चालू
- Mon 3rd Jun 2024 01:25 pm
ऑनलाईन गेम मध्ये पैसे हरल्याने मोटर सायकल चोरी करणारा वडूज पोलीसांकडून जेरबंद.
- Mon 3rd Jun 2024 01:25 pm
"असे" पालकमंत्री मिळणे सातारा जिल्ह्यासाठी दुर्दैवी..
- Mon 3rd Jun 2024 01:25 pm
समाजातील लोकांनी दातृत्वाची भावना ठेवायला हवी : दत्तात्रेय इंगवले
- Mon 3rd Jun 2024 01:25 pm
संबंधित बातम्या
-
वाई बस स्थानकासमोर अपघात ,एकाचा मृत्यू चार जखमी.
- Mon 3rd Jun 2024 01:25 pm
-
महामार्गावरील खांबाटकी बोगद्याजवळ कंटेनर, टँकर व तीन कारचा विचित्र अपघात
- Mon 3rd Jun 2024 01:25 pm
-
शिरवळ जवळ भीषण अपघात; तरुणीचा जागीच मृत्यू, दुचाकीस्वार गंभीर जखमी
- Mon 3rd Jun 2024 01:25 pm
-
तासवडे एमआयडीसी मध्ये भीषण स्फोट होऊन कामगाराचा उपचारादरम्यान मृत्यू
- Mon 3rd Jun 2024 01:25 pm
-
ट्रॅक्टरखाली सापडून ग्रा.पं. सदस्याचा मृत्यू
- Mon 3rd Jun 2024 01:25 pm
-
शहरातील डी-मार्ट नजीक खाणीत सडलेल्या अवस्थेत सापडलेला मृतदेह फलटण येथील तांबोळी यांचा
- Mon 3rd Jun 2024 01:25 pm
-
संभाजीनगर कमानी समोर राष्ट्रीय महामार्ग वर ट्रॅक्टर व ट्रॉली थरार
- Mon 3rd Jun 2024 01:25 pm
-
महाबळेश्वरच्या लॉडविक पॉईंटवर उडी मारून व्यक्तीची आत्महत्या
- Mon 3rd Jun 2024 01:25 pm