तापोळा येथील विहंगम गॅलरीला ‘हिंदूहृदय सम्राट बाळासाहेब ठाकरे’ नाव देण्याची मागणी; घाट रस्त्यांवर रिफ्लेक्टर बसविण्याचीही मागणी

महाबळेश्वर : तापोळा येथील पूर्ण झालेल्या प्रस्तावित पुलाजवळ उभारण्यात येणाऱ्या विहंगम गॅलरीला शिवसेनाप्रमुख हिंदूहृदय सम्राट बाळासाहेब ठाकरे यांचे नाव देण्यात यावे, अशी मागणी शिवसेना उद्धव बाळासाहेब ठाकरे पक्षाच्या महाबळेश्वर शहर संघटनेने केली आहे. याबाबत बांधकाम विभागाचे अभियंता अजय देशपांडे यांना निवेदन देण्यात आले.


निवेदनात म्हटले आहे की, महाराष्ट्रासह देशभरातील हिंदुत्ववादी विचारसरणीला दिशा देणारे शिवसेनाप्रमुख बाळासाहेब ठाकरे यांच्या स्मृतीप्रित्यर्थ तापोळा येथील नव्याने उभारण्यात येणाऱ्या विहंगम गॅलरीचे नामकरण ‘हिंदूहृदय सम्राट बाळासाहेब ठाकरे विहंगम गॅलरी’ असे करण्यात यावे. त्यामुळे या पर्यटनस्थळाला ऐतिहासिक आणि सांस्कृतिक ओळख प्राप्त होईल, असे शिवसेनेचे मत आहे.


याच निवेदनाद्वारे महाबळेश्वर परिसरातील घाट रस्त्यांच्या सुरक्षेचा मुद्दाही उपस्थित करण्यात आला आहे. पावसाळ्यात महाबळेश्वर परिसरात मोठ्या प्रमाणात धुके पडत असल्याने वाहनचालकांना रस्त्याचा अंदाज येणे कठीण होते. त्यामुळे पर्यटक व स्थानिक नागरिकांच्या सुरक्षिततेसाठी महाबळेश्वर ते केळघर घाट, महाबळेश्वर ते पाचगणी आणि महाबळेश्वर ते प्रतापगड या प्रमुख मार्गांच्या दोन्ही बाजूंना तातडीने रिफ्लेक्टर बसविण्याचे आदेश संबंधित विभागाला देण्यात यावेत, अशी मागणी करण्यात आली.


शिवसेनेच्या पदाधिकाऱ्यांनी सांगितले की, पावसाळ्यात दृश्यमानता कमी झाल्याने अपघातांची शक्यता वाढते. त्यामुळे रस्ते सुरक्षा उपाययोजनांना प्राधान्य देणे आवश्यक आहे. वेळेत रिफ्लेक्टर बसविल्यास वाहनचालकांना मोठा दिलासा मिळेल आणि अपघातांचे प्रमाण कमी होण्यास मदत होईल.


दरम्यान, तापोळा येथील विहंगम गॅलरीला बाळासाहेब ठाकरे यांचे नाव देण्याची मागणी आणि घाट रस्त्यांवरील सुरक्षाविषयक उपाययोजना या दोन्ही विषयांमुळे स्थानिक स्तरावर चर्चेला उधाण आले आहे.


यावेळी शिवसेना उद्धव बाळासाहेब ठाकरे पक्षाचे शहरप्रमुख राजाभाऊ गुजर, उपशहर प्रमुख राजेश साळवी, युवा सेना शहरप्रमुख आकाश साळुंखे, शहनवाज भाई खारखंडे, आसिफ भाई माहापुळे, आली भाई वारुणकर, तेजस बोधले, राहुल खरे यांच्यासह अन्य पदाधिकारी उपस्थित होते.

आम्हाला जोडण्यासाठी

संबंधित बातम्या

anandi atta chakki V
सुयोग डेव्हलपर्स
छ.शिवाजी महाराज यांच्या वरील आक्षेपार्ह पोस्ट प्रकरणातील खरा दोषी पोलिसांकडून गजाआड
सातारा चे नाव पुन्हा एकदा सात समुद्रपार
चाऱ्याचे पैसे परत मागितल्याच्या रागातून महिलेला भर चौकात मारहाण
ठोसेघर धबधबा फेसाळला