सातारा : सातारा तालुक्यातील शिवथर येथे गावाच्या विकासाला नवी दिशा देणाऱ्या अश्या अंतर्गत रस्ता काँक्रिटीकरण कामाचे भूमिपूजन रयत क्रांती संघटनेचे नेते आ. सदाभाऊ खोत यांच्या उपस्थितीत मोठ्या उत्साहात पार पडले. “विकास फक्त शहरापुरता नको, तर गावाच्या प्रत्येक वाडीत पोहोचला पाहिजे” या ठाम भूमिकेतून आम्ही सातत्याने ग्रामीण भागात मूलभूत सुविधा देण्यासाठी प्रयत्नशील असल्याचे सदाभाऊ खोत यांनी सांगितले.

 त्याचबरोबर ग्रामीण जनतेला सुरक्षित, सुकर व चांगल्या दर्जाच्या रस्त्यांची सुविधा मिळावी, हाच आमचा प्रामाणिक उद्देश असून, त्या दृष्टीने गावागावात निधी उपलब्ध करून विकासकामे मार्गी लावली जात आहेत. असा विश्वास सदाभाऊ खोत यांनी व्यक्त केला.

 या भूमिपूजन प्रसंगी ऊस दर नियंत्रण समितीचे सदस्य सचिन नलावडे, रयत क्रांती संघटनेचे कार्यकर्ते किरण उथळे, सातारा जिल्हा रयत क्रांती संघटनेचे अध्यक्ष मधुकर जाधव, रयत क्रांती संघटनेचे युवक जिल्हाध्यक्ष प्रकाश (सोनू) साबळे, शिवथर गावच्या सरपंच प्रिया साबळे, उपसरपंच दत्तात्रय साबळे, यांच्यासह असंख्य ग्रामस्थ मोठ्या संख्येने उपस्थित होते.