नागठाणे ; अल्पवयीन मुलीस फूस लावून पळवून आणल्याबद्दल बोरगाव पोलिसांनी संशयित युवकास ताब्यात घेतले.स्वप्नील सोमनाथ इंगवले(वय ल.१९, रा. अतीत, ता. सातारा) असे या संशयिताचे नाव आहे.संशयित व मुलीला मुंबई पोलिसांच्या ताब्यात देण्यात आले आहे.
      पोलिसांकडून मिळालेल्या माहितीनुसार, स्वप्नील सोमनाथ इंगवले याने अल्पवयीन मुलीस मुंबईतून पळवून आणून नागठाण्यात लपवले होते. याबाबत वरळी पोलिस ठाण्यात गुन्हा दाखल झाला होता. 
    त्यानुसार सहाय्यक पोलिस निरीक्षक चेतन मछले यांच्यासह प्रवीण शिंदे, राजू शिखरे, विजय साळुंखे, विशाल जाधव,महिला पोलीस मेघा बनसोडे, सारिका खोचरे या पोलिस पथकाने मुलीच्या वर्णनानुसार शोध घेतला. त्यात संबंधित मुलगी व संशयित नागठाण्यात आढळले. त्यानंतर मुलीस तिच्या नातेवाइकांकडे सोपविण्यात आले. संशयितास ताब्यात घेऊन वरळी पोलिसांच्या हवाली करण्यात आले आहे.