देशमुखनगर : नागठाणे ता. सातारा येथील जयहिंद फाऊंडेशन सदस्या माधुरी फाळके यांची हिरकणी पुरस्कारासाठी निवड झाली आहे.
    सौ. फाळके या पोलिस मित्र समिती सातारा तालुका महिला अध्यक्षा,  महिला दक्षता समिती बोरगाव पोलिस स्टेशनच्या सदस्या या पदावर असून सामाजिक कार्य करत आहेत.
जयहिंद फाउंडेशन ही शहिद वीरजवान कुटुंबासाठी सामजिक कार्य करणारी एकमेव संस्था आहे.जयहिंद फाऊंडेशन सातारा,पुणे, मुंबई, बारामती,जावली, वर्धा, गोंदिया,गोवा, जम्मू काश्मीर इ.ठिकाणी शहिद कुटुंबाच्या कल्याणासाठी काम करत आहेत.वीरजवान शाहिद झाल्यानंतर शहीद परिवारातील सदस्याना मानसिक आधार देण्याची जबाबदारी जयहिंद फाउंडेशन घेते.वीरपत्नी यांना सौभाग्य अलंकार घालून साडी चोळी देऊन हळदी कुंकू लावून सन्मान करण्यात येतो.समाजात आदर आणि अभिमानाने जगण्याचा अधिकार जयहिंद फाउंडेशनने वीरपत्नींना दिला आहे.त्याचप्रमाणे वीरमातांचा देखील वार्षिक सन्मान सोहळ्यात सन्मान करण्यात आला आहे.गावच्या गाव विधवा प्रथा मुक्त अभियान राबविण्याचा वसा जयहिंद फाउंडेशनने घेतला आहे.अपशिंगे मि., नागझरी,डिस्कळ, ओझर्डे, वाई इ.गावामध्ये विधवा प्रथा मुक्त अभियान राबविण्यात आले आहे.
१६ में २०२४ रोजी सायंकाळी ५ वाजता जिल्हा परिषद ग्राउंड हिरकणी पुरस्काराचे आयोजित करण्यात आला आहे.