कास  : कास पठारावर वनमजूर म्हणून मागील चार वर्षांपासून काम करत असलेल्या श्री भगवान आखाडे आणि श्री आत्माराम आखाडे यांना रोजगार पाहिजे असल्यास सर्वांसमोर नाक घासून माफी मागावी लागेल असे सांगण्यात आले आहे. या कर्मचाऱ्यांना कोणतेही कारण न देता मागील वर्षी कामावरून तडकाफडकी काढण्यात आले होते. त्यामुळे या कर्मचाऱ्यांची उपासमार होऊ लागल्याने त्यांनी लोकशाही मार्गाने अंदोलन सुरू केले होते. यामध्ये वेळोवेळी आपल्याला सोमनाथ जाधव या पेट्री येथील माध्यमिक विद्यालयातील क्लार्क ने दिलेल्या अन्यायकारक वागणुकीविरुद्ध आवाज उठवला होता. ही क्लार्क व्यक्ती पेट्री येथील विद्यालयात फक्त सहीसाठी जाऊन दिवसभर कास पठारावर थांबुन दुसरा समितीच्या माध्यमातून भत्ता व पगार घेत आहे. याचे पुरावे उपलब्ध आहेत. आणि तेथे हम करे सो कायदा ठरवून सर्व कर्मचाऱ्यांना वेठबिगाराची वागणुक देत आहे या दडपशाही विरुद्ध या दोन कर्मचाऱ्यांनी आवाज उठवला होता. आणि याचाच मनात राग धरून विद्यालयात सतत गैरहजर राहून फुल पगार घेणाऱ्या महाशयाने प्रामाणिक काम करणाऱ्या मजुरांना द्वेषभावनेने देषोधडीला लावण्यासाठी प्रयत्न चालवले आहेत. सगळे समिती सदस्य यांना कामावर रजू करून घेण्यासाठी तयार असताना या एकाच व्यक्तीने आपले प्रथम प्राधान्य विद्यालयातील काम सोडून जास्त काळ कास पठारावरील व्यवस्थापन करण्यातून आर्थिक,राजकीय लाभ मिळवत कर्मचाऱ्यांवर दडपशाही चालवली आहे.या दोन कामगारांना नाक घासून माफी मागितली तरच कामावर घेतो असे सांगण्यात आल्यानंतर सगळीकडुन कास पठार समितीला रोषाला सामोरे जावे लागत आहे.या सदस्याच्या हिटलरी वागण्याचा इतर वनविभाग व कास समिती सदस्यांना देखील त्रास होत असल्याचे सर्व सदस्य खाजगीत सांगत आहेत. या वनमजुरांनी अन्यायकारक वागणुकीविरुद्ध लोकशाही पद्धतीने अंदोलन करणार असल्याचे सांगितले आहे.