उत्तरेत काँग्रेस एकवटले पन मनोजदादा घोरपडे यांची लक्षवेधक कामगिरी.
उत्तर कराड मध्ये स्थानिक आमदारांना धोक्याची घंटा ?Satara News Team
- Thu 6th Jun 2024 11:06 am
- बातमी शेयर करा
![](https://esataranews.com/upload/post/3bc619ec23.jpg)
कराड : सातारा लोकसभा मतदारसंघाचा निकाल सोमवारी जाहीर झाला. यात भाजपचे उमेदवार उदयनराजे भोसले विजय झाले. कराड उत्तर विधानसभा मतदारसंघात भाजपच्या उमेदवारापेक्षा राष्ट्रवादीच्या उमेदवाराने १ हजार ७२४ मते जादा घेतली असली तरी दोन्ही काँग्रेस एकवटूनही त्यांना मिळालेले अत्यल्प मताधिक्य विद्यमान आमदारांसाठी धोक्याची घंटा असून त्यांच्यावर आत्मचिंतनाची वेळ आली आहे असेच म्हणावे लागेल.
कराड तालुका हा सातारा जिल्ह्यात सर्वात मोठा तालुका म्हणून ओळखला जातो. त्यामुळे येथे पहिल्यापासूनच कराड दक्षिण व उत्तर असे विधानसभेचे दोन मतदारसंघ आहेत. कराड उत्तर विधानसभा मतदारसंघात कराड, सातारा ,कोरेगाव व खटाव या चार तालुक्यातील मतदारांचा समावेश असल्याने हा मतदारसंघ किचकट म्हणून पाहिला जातो.
कराड उत्तर मतदार संघातून आजवर काँग्रेस विचाराच्या उमेदवारानेच नेतृत्व केले आहे. तर विद्यमान आमदार बाळासाहेब पाटील सलग ५ वेळा या मतदारसंघाचे नेतृत्व करत आहेत. सध्या मात्र भाजप कराड उत्तरचे नेते मनोज घोरपडे, जिल्हाध्यक्ष धैर्यशील कदम व त्यांच्या सर्व सहकाऱ्यांनी मतदारसंघात बरेच हातपाय पसरल्याचे या निकालाने स्पष्ट झाले आहे. मनोज घोरपडे यांनी मतदारांशी ठेवलेला सततचा संपर्क, तळागाळापर्यंतच्या लोकांना शासनाच्या योजना पोहोचवण्याचे केलेले काम या साऱ्याचे फळ या निकालात दिसत आहे.
कराड उत्तर मतदार संघात उदयनराजे भोसले यांच्या सातारा तालुक्यातील वर्णे व नागठाणे या २ जिल्हा परिषद गटांचा समावेश होतो. तसेच आमदार शशिकांत शिंदे यांच्या कोरेगाव तालुक्यातील वाठार किरोली जिल्हा परिषद गट व रहिमतपुर नगर परिषदेचा समावेश याच मतदारसंघात होतो. त्यामुळे हा मतदारसंघ दोघांचेही बलस्थान म्हणून पाहिला जात होता.येथे दोघांचीही प्रतिष्ठा पणाला लागली होती.
कराड उत्तर विधानसभा मतदारसंघात लोकसभेसाठी २ लाख ९६ हजार ९४५ मतदार होते. पैकी १लाख ९४ हजार २९ म्हणजे ६५.३४ % मतदारांनी मतदानाचा हक्क बजावला होता. पैकी खासदार उदयनराजे भोसले यांना ८८ हजार ९३० तर आमदार शशिकांत शिंदे यांना ९० हजार ६५४ मते मिळाली. याशिवाय इतर उमेदवारांनी घेतलेली मते वेगळीच .पण शशिकांत शिंदे यांनी १ हजार ७२४ मतांची आघाडी येथे घेतली आहे.
विरोधकांना आला ताकदीचा अंदाज
कराड उत्तर विधानसभा मतदारसंघात बऱ्याचदा तिरंगी लढती होत आल्या आहेत. त्यामुळे मत विभाजनाचा फायदा होऊन आमदार बाळासाहेब पाटील यांनी नेहमीच विधानसभेला बाजी मारली आहे. मात्र या लोकसभा निवडणुकीत बाळासाहेब पाटील विरोधक एकवटले होते. भाजप कार्यकर्त्यांनी एकत्रित येऊन केलेल्या प्रयत्नामुळे गत लोकसभा निवडणुकीला सुमारे ५० हजाराचे मताधिक्य राष्ट्रवादी उमेदवाराला घेणाऱ्या बाळासाहेब पाटलांना यावेळी फक्त १ हजार ७२४ मताधिक्यावर येऊन थांबावे लागले आहे. बाळासाहेबांसाठी ही धोक्याची घंटा तर आहेच. पण विरोधकांना आपल्या सामुदायिक ताकदीचा अंदाज या निमित्ताने आला आहे असे म्हटले जात आहे.
स्थानिक बातम्या
लांडेवाडी खून प्रकरणातील संशयित फरारी सरपंचास अटक
- Thu 6th Jun 2024 11:06 am
संगम माहुलीतील मंदिरांच्या पायऱ्यांना टेकले पाणी
- Thu 6th Jun 2024 11:06 am
दहिवडी पोलिसांनी ट्रॅक्टर ट्रॉली चोरीचा गुन्हा अवघ्या पाच तासात आणला उघडकीस
- Thu 6th Jun 2024 11:06 am
अनैतिक संबंधाचे तीन बळी...
- Thu 6th Jun 2024 11:06 am
24 जुलै पासून जिल्हा क्रीडा अधिकारी यांच्या तालुका निहाय स्पर्धा आयोजन बैठका
- Thu 6th Jun 2024 11:06 am
संबंधित बातम्या
-
दहिवडी नगरपंचायतची मासिक सर्वसाधारण सभा वादळी
- Thu 6th Jun 2024 11:06 am
-
इंदोली,पाल उपसा सिंचन योजना 50 मीटर वरून 100 मीटर हेड करणार : महेशदादा शिंदे
- Thu 6th Jun 2024 11:06 am
-
भ्रष्टाचार मुक्त महाराष्ट्रासाठी महाविकास आघाडीला साथ करा.... संसदपटू सुप्रियाताई सुळे
- Thu 6th Jun 2024 11:06 am
-
सातारा जिल्ह्यात राष्ट्रवादीची तुतारी फुंकणारे सेलचे पदाधिकारी बाजूला...
- Thu 6th Jun 2024 11:06 am
-
मर्सिडीज वरून सुरू झालेलं राजकारण चड्डीनंतर आलं कमिशनवर!
- Thu 6th Jun 2024 11:06 am
-
छ उदयनराजेंच्या विजयाचा पाया रचला म्हणणारा स्वयंघोषित गवंडी, माढ्यात मारत होता दवंडी..प्रविण धसके
- Thu 6th Jun 2024 11:06 am
-
आ. शशिकांत शिंदे गटातील कार्यकर्त्यांचा आ. महेश शिंदे गटात प्रवेश
- Thu 6th Jun 2024 11:06 am
-
"कुणा एकाच्यात धमक नसल्याने बारामतीचा सांगावा आला की हे सगळे माझ्या विरोधात एक होतात ... आ. जयकुमार गोरे
- Thu 6th Jun 2024 11:06 am